சம்மர் காலத்தில் வெயிலின் தாக்கம் அதிகமாகவே இருக்கும். இதனால், சரும செல்கள் சேதம் அடைகிறது. தங்களின் தோல் வறட்சி அடையாமல் பாதுகாக்க வேண்டும். தினமும் காலையில், பாலாடையுடன் கஸ்தூரி மஞ்சள் சிறிது கலந்து முகம் கழுத்து பகுதியில் தடவி 15 நிமிடங்கள் கழித்து குளித்த நீரில் கழுவி வந்தால் சருமம் தோல் வறட்சி அடையாது.
கடலை மாவு ஒரு டீஸ்பூன், கஸ்தூரி மஞ்சள் ஒரு சிட்டிகை, பாசிப்பருப்பு மாவு ஆகியவற்றை நீரில் குழைத்து முகம் கழுத்து பகுதியில் தடவி 15 லிருந்து 20 நிமிடம் கழித்து குளித்த நீரில் கழிவினால், சாதாரண சருமம் எண்ணைப்பசை சருமம் உள்ளவர்கள் இதனை செய்யலாம். இவ்வாறு செய்வதன் மூலம் சருமத்தில் உள்ள அழுக்குகள் நீங்கி சருமம் பிரகாசிக்கும்.
கடலை மாவு, பாசிப்பருப்பு மாவு, கஸ்தூரி மஞ்சள், காய்ந்த எலுமிச்சை தோள்பொடி ஆகியவற்றை கலந்து உடலில் தேய்த்து குளித்து வந்தால், கோடை காலத்தில் உடலில் அதிகம் வேர்வை ஏற்படுவதால் உடல் துர்நாற்றம் வேர்வை பிரச்சினைகள் நீங்கும்.
கற்றாழை ஜெல், தயிர், பால் ஏடு, முட்டையின் வெள்ளை கரு அனைத்தும் சம அளவு எடுத்து தலையில், தடவி 15 நிமிடங்கள் ஊறவைத்து குளித்தால் தலைமுடி உதிர்வு பிரச்சினைகள் இருக்காது. வியர்வையால் தலை வரண்டும் போகாது.
மேலும், பப்பாளி, தக்காளி, வெள்ளரிக்காய் போன்றவற்றை அரைத்து முகத்தில் ஃபேஸ் பேக்காக போட்டு அரைமணி நேரம் கழித்து குளிர்ந்த நீரில் கழிவினால், முகம் ஈரப்பதத்துடன் சிறந்த பொலிவோடும் இருக்கும்.
வெயில் காலத்தில், உடலில் நீர்ச்சத்து குறையும் போது அதை ஈடு செய்ய அதிலும், எட்டு டம்ளர் தண்ணீர் குடிக்க வேண்டும். பச்சை காய்கறிகள், கீரைகள், பழ வகைகள் போன்றவற்றை உணவில் அதிகம் சேர்த்துக் கொள்ள வேண்டும்.
உடல் துர்நாற்றத்தை போக்கும்.. எண்ணெய் பசையுள்ள சருமத்திற்கு ஒரு நிரந்தர தீர்வு..!
இளநீர், மோர் ஆகியவற்றை குடிக்கலாம். எலுமிச்சை சாறு, ஆரஞ்சு பழச்சாறு இவற்றில் வைட்டமின் சி சத்து அதிகம் நிறைந்துள்ளது. உடலில் நீர்சத்து குறையாமல் பார்த்துக் கொள்ளவும் உதவுகிறது. கோடையில், அதிக காரம் உள்ள உணவுகளை தவிர்ப்பது சிறந்ததாக கருதப்படுகிறது. இந்த எளிய வழிமுறைகளை பின்பற்றினால் வெயில் காலத்தில் சருமம் பாதிப்படைவதை தடுத்து சரும அழகை பாதுகாத்து பொலிவை மீட்டெடுக்கலாம்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
