உடல் துர்நாற்றத்தை போக்கும்.. எண்ணெய் பசையுள்ள சருமத்திற்கு ஒரு நிரந்தர தீர்வு..!

பொதுவாக கோடைகாலங்களில் பல தாவரங்கள் அவற்றின் மருத்துவ குணங்கள் மற்றும் குளிர்ச்சித் தன்மையால் கோடைகால சரும பராமரிப்புக்கு மிகுந்த சிறந்தவையாக கருதப்படுகிறது. குறிப்பாக, வெப்பத்தினால் ஏற்படும் கருவளையம், வியர்க்குரு மற்றும் சரும எரிச்சலை கட்டுப்படுத்த கோடை காலத்திற்கு சில முக்கிய புல் வகைகள் அழகு குறிப்புகளாக பயன்படுத்த அழகு குறிப்புகளில் பயன்படுத்தப்படுகின்றன.

வெயிலால் முகம் கருப்பாகிறதா?.. ஸ்பெஷல் ஸ்கின் கேர் கைடு..!

அருகம்புல்

இது ஒரு சிறந்த ரத்த சுத்திகரிப்பு மற்றும் நச்சு நீக்கியாகும். அருகம்புல் சாற்றுடன் மஞ்சத்தூளை கலந்து முகத்தில் தடவி 15 நிமிடம் கழித்து கழுவினால், வெயிலினால் ஏற்படும் முகப்பரு மற்றும் தடிப்புகள் நீங்கி இது சருமத்திற்கு சிறந்த பொலிவை தருகிறது. மேலும், சரும எரிச்சல் பிரச்னைக்கு அருகம்புல் சாறு மற்றும் மோர் கலந்து தடவ சிறந்த பலனை பெறலாம்.

எலுமிச்சைப்புல்

லெமன் கிராஸ் எனப்படும் எலுமிச்சைப்புல் பாக்டீரியா எதிர்ப்பு மற்றும் பூஞ்சை எதிர்ப்பு பண்புகளைக் கொண்டுள்ளது. இதன் இலைகளை தண்ணீரில் கொதிக்க வைத்து அந்த நீரை கொண்டு முகம் கழுவலாம் அல்லது ஆவி பிடிக்கலாம். இவ்வாறு செய்வதால், சரும துளைகளில் உள்ள அழுக்குகள் நீங்கி எண்ணெய் பசையை கட்டுப்படுத்துகிறது. இதன் வாசனை மன அழுத்தத்தை குறைத்து புத்துணர்ச்சியை தருகிறது என்பது உண்மை.

வெட்டிவேர்

கோடை காலத்திற்கு சிறந்த குளிர்ச்சியூட்டும் பண்புகளைக் கொண்டது வெட்டிவேர். ஒரு சுத்தமான துணியில் வெட்டிவேரை கட்டி குளிக்கும் தண்ணீரில் ஊறவைத்து அந்த நீரில் குடித்தால், உடலில் ஏற்படக்கூடிய துர்நாற்றம் மற்றும் வியர்க்குரு உள்ளிட்டவை நீங்கும். வெட்டிவேரில் உரிய நீரை ஒரு ஸ்ப்ரே பாட்டிலில் ஊற்றி டோனராக பயன்படுத்தினால், சருமம் எப்பொழுதும் ஈரப்பதமாகவே காணப்படும்.

கோரைப்புல்

ஆயுர்வேதத்தில் சிறந்த நிறத்தை மேம்படுத்த கோரைப்புல் பயன்படுத்தப்படுகிறது. கோரைக்கிழங்கு பொடியை தயிருடன் கலந்து முகத்தில் தேய்த்து குளித்து வந்தால், வெயிலினால் ஏற்படக்கூடிய கருமை மற்றும் சரும பாதிப்புகளை தடுத்து மீண்டும் பொலிவடைய செய்கிறது.

மூங்கில் இலை

மூங்கில் இலை என்பது ஒரு புல் வகையை சார்ந்தது. இதன் இலைகளில் சிலிகா அதிகம் காணப்படுகிறது. மூங்கில் இலைகளை அரைத்து சாறு எடுத்து அதனுடன் சிறிது தேன் கலந்து முகத்தில் தடவினால் சருமங்களில் உள்ள சுருக்கங்கள் நீங்கி சருமம் பொலிவடையும். கோடைக்காலத்தில் இந்த எளிய டிப்ஸ் மற்றும் மேற்கூறிய முறைகளைப் பயன்படுத்தி சரும அழகைப் பராமரிக்கலாம்.

குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு  UTN NOW பொறுப்பாகாது.