ஜென் சி தலைமுறையின் தற்போதைய ஹாட் டாப்பிக்காக மாறியுள்ள பெயர் கென் கருணாஸ். இளம் ரசிகர்களின் ரசனையை துல்லியமாக புரிந்து கொண்டு, அதற்கேற்ற கதை மற்றும் நடையில் உருவாக்கிய அவரது ‘யூத்’ திரைப்படம் தற்போது தமிழகமெங்கும் வசூல் வெட்கத்தை கிளப்பி வருகிறது.
நகரங்களிலிருந்து கிராமங்கள் வரை திரையரங்குகளில் ஹவுஸ்ஃபுல் போர்டுகள் காட்சியளிப்பது, இப்படத்தின் பிரபலத்தைக் காட்டுகிறது.
இந்த நிலையில், இந்திய சினிமா வட்டாரமே பெரிதும் எதிர்பார்த்திருந்த ‘துரந்தர் 2’ படத்துடன் ஒப்பிடும்போது ‘யூத்’ படம் தமிழகத்தில் ஆச்சரியப்பட வைக்கும் சாதனையை பதிவு செய்துள்ளது.
‘துரந்தர் 2’ திரைப்படம் தமிழகத்தில் சுமார் ரூ.27 கோடி வசூலை மட்டுமே எட்டியுள்ள நிலையில், கென் கருணாஸ் இயக்கிய ‘யூத்’ படம் ரூ.37 கோடியை கடந்துவிட்டு முன்னிலை பிடித்துள்ளது.
இந்த எதிர்பாராத வெற்றி, இளம் இயக்குநராக கென் கருணாஸின் மார்க்கெட்டையும் உயர்த்தியுள்ளது. தற்போது கிடைத்திருக்கும் வரவேற்பை பார்த்து, வரும் நாட்களில் இப்படம் ரூ.50 கோடியை தாண்டும் என வர்த்தக வட்டாரங்கள் கணித்துள்ளன.
இதன் மூலம், ‘யூத்’ படம் இந்த ஆண்டின் மிகப்பெரிய ஹிட் பட்டியலில் இடம்பிடிக்கும் வாய்ப்பு அதிகரித்துள்ளது.
