தமிழ் திரையுலகில் பெரும் எதிர்பார்ப்புகளுக்கு இடையில் காந்தி ஜெயந்தியை முன்னிட்டு வெளியான படம் இயக்குநர் ஜேசன் சஞ்சய்யின் ‘சிக்மா’. லைகா தயாரிப்பில், சந்தீப் கிஷன் மற்றும் ஃபரியா அப்துல்லா நடிப்பில் உருவாகியுள்ள இப்படத்திற்கு தமன் இசையமைத்துள்ளார்.
படத்தில் இடம்பெற்ற கேத்தரின் தெரசாவின் குத்தாட்டப் பாடல் ரசிகர்களைத் தியேட்டரில் ஆடவைத்தாலும், ஞாயிற்றுக்கிழமை விடுமுறை நாளிலும் வசூல் எதிர்பார்த்த அளவுக்குப் பெரிய அளவில் அதிகரிக்கவில்லை என்பது படக்குழுவினருக்குச் சிறிய கவலையை ஏற்படுத்தியுள்ளது.
கன்னம் கிள்ளிய விவகாரம்.. மனம் திறந்த கூலி பட நடிகை ரச்சிதா ராம்..!
இதனிடையே, இப்படத்தின் வரவு-செலவு குறித்த சுவாரஸ்யமான தகவல்கள் வெளியாகியுள்ளன. ஜேசன் சஞ்சய் ஃபர்ஸ்ட் காப்பி அடிப்படையில் சொந்தமாகத் தயாரித்து பின்னர் லைகா நிறுவனத்திற்கு விற்ற இப்படத்தின் மொத்த பட்ஜெட் தோராயமாக ₹30 கோடியாகும். எனினும், படத்தின் ஓடிடி மற்றும் ப்ரீ-ரிலீஸ் வியாபாரம் மூலமாகவே சுமார் ₹27 கோடி வரை வசூலாகிவிட்டதால், தயாரிப்பு நிறுவனத்திற்கு எந்தவிதப் பெரிய நஷ்டமும் இல்லை என்று சினிமா வட்டாரங்கள் தெரிவிக்கின்றன.
இதற்கிடையில், படத்தின் வசூலை உயர்த்தும் நோக்கில் இயக்குநர் ஜேசன் சஞ்சய் நேரில் தியேட்டர்களுக்குச் சென்று ரசிகர்களைச் சந்தித்து வருகிறார். சாக்நிக் தரவுகளின்படி, படம் முதல் 3 நாட்களில் ₹6.10 கோடி வரை கிராஸ் வசூல் செய்துள்ளது குறிப்பிடத்தக்கது.
