சூப்பர் ஸ்டார் ரஜினிகாந்த் நடிப்பில் பெரிதும் எதிர்பார்க்கப்படும் ‘கூலி’ படத்தில் மிரட்டலான வில்லி கதாபாத்திரத்தில் நடித்து அனைவரது கவனத்தையும் ஈர்த்துள்ளவர் பிரபல கன்னட நடிகை ரச்சிதா ராம். கன்னட திரையுலகில் ‘புல்புல்’, ‘ஐ லவ் யூ’ உள்ளிட்ட பல வெற்றிப் படங்களில் நடித்து முன்னணி நாயகியாக வலம் வரும் இவர், சமூக வலைதளங்களிலும் அதிக ஃபாலோயர்களைக் கொண்டுள்ளார். இந்நிலையில், சமீபத்தில் தனது பிறந்தநாளைக் கொண்டாடிய ரச்சிதா ராம், நள்ளிரவில் ரசிகர்களைச் சந்தித்துக் கேக் வெட்டி மகிழ்ச்சியைப் பகிர்ந்து கொண்டார்.
மக்களைச் சந்திக்க முதல்வர் வரக்கூடாதா?.. அமைச்சர் புஸ்ஸி ஆனந்த் கேள்வி..!
அப்போது அவருடன் புகைப்படம் எடுக்க முயன்ற ரசிகர் ஒருவர் உற்சாக மிகுதியில் அவரது கன்னத்தைக் கிள்ளிய சம்பவம் இணையத்தில் வைரலானது. இந்த வீடியோவை பார்த்த நெட்டிசன்கள் பலரும் அந்த ரசிகரைக் கடுமையாக விமர்சித்து வந்தனர். ஆனால், இதுகுறித்து வெளிப்படையாகப் பேசியுள்ள ரச்சிதா ராம், “என் நண்பர்கள் என்னிடம் கோபம் வரவில்லையா என்று கேட்டார்கள்.
ஆனால், நான் அதில் ரசிகர்களின் தூய்மையான அன்பை மட்டுமே கண்டேன்; ஒரு குழந்தையைக் கொஞ்சுவது போலத்தான் அவர்கள் செய்தார்கள். அதில் தவறான தொடுதல் எதுவும் இல்லை” எனக் கூறி சர்ச்சைகளுக்கு முற்றுப்புள்ளி வைத்துள்ளார். இருப்பினும், பொதுவெளியில் பிரபலங்களை அணுகும்போது சில எல்லைகளை ரசிகர்கள் மீறுவது குறித்து சமூக வலைதளங்களில் தொடர்ந்து விவாதங்கள் எழுந்து வருவது குறிப்பிடத்தக்கது.
Second video 🤣🤣😭😭 https://t.co/03ijXGZRFd pic.twitter.com/54Ve22ELt2
— Let's X OTT GLOBAL (@LetsXOtt) October 3, 2026
