கோலிவுட்டில் மிகுந்த எதிர்பார்ப்புகளுக்கு இடையில் இன்று வெளியாகியிருக்கும் திரைப்படம் ‘சிக்மா’. நடிகர் விஜய்யின் மகனும், இளம் இயக்குநருமான ஜேசன் சஞ்சய் இயக்கத்தில் உருவாகியுள்ள இந்தப் படத்தில் சந்தீப் கிஷன் நாயகனாக நடித்துள்ளார். லைகா நிறுவனத்தின் தயாரிப்பில், எஸ்.எஸ். தமன் இசையில் உருவாகியுள்ள இப்படம் முழுக்க முழுக்க ஆக்ஷன் மற்றும் கொள்ளையை மையமாகக் கொண்ட த்ரில்லர் கதையாகக் களமிறங்கியுள்ளது. ஜேசன் சஞ்சயின் முதல் டைரக்ஷன் என்பதால் சினிமா வட்டாரத்திலும், ரசிகர்களிடத்திலும் பெரும் எதிர்பார்ப்பு நிலவியது.
இந்நிலையில், படத்தின் முதல் காட்சியைத் தன் மகனுடன் சேர்ந்து ரசிப்பதற்காக, விஜய்யின் மனைவியும் ஜேசனின் தாயாருமான சங்கீதா மற்றும் தங்கை திவ்யா சாஷா ஆகியோர் சென்னையில் உள்ள திரையரங்கிற்கு வருகை தந்துள்ளனர். படத்தின் பிரீ-ரிலீஸ் நிகழ்வுகளில் தலைகாட்டாமல் இருந்த சங்கீதா, தற்போது படம் ரிலீஸான நாளில் நேரில் வந்து மகனுக்கு ஆதரவு தெரிவித்திருப்பது குடும்பத்தினரிடையே மகிழ்ச்சியை ஏற்படுத்தியுள்ளது. தந்தை விஜய்யின் சினிமா வெற்றியைத் தொடர்ந்து, மகன் ஜேசன் சஞ்சய் இயக்குநராகத் தனக்கென ஒரு தனி முத்திரையைப் பதிப்பாரா என்பதைப் பொறுத்திருந்து பார்ப்போம்.
முதல் அமைச்சர் தளபதி விஜய் மனைவி சங்கீதா மகள் சாஷா சிக்மா பார்க்க வந்த காட்சி pic.twitter.com/0J1NQ58Dp4
— Anshitha🫶💖🍉 (@Anshithaprincey) October 2, 2026
