தென்னிந்திய திரையுலகின் முன்னணி நாயகிகளில் ஒருவரான சமந்தா பற்றிய லேட்டஸ்ட் தகவல்கள் இணையத்தில் வைரலாகி வருகின்றன. தமிழ் மற்றும் தெலுங்கு திரையுலகில் கொடிகட்டிப் பறந்த சமந்தா, நாக சைதன்யாவுடன் முறிவு மற்றும் மையோசிடிஸ் நோய் தாக்கம் என அடுத்தடுத்த சவால்களைச் சந்தித்தாலும், தனது விடாமுயற்சியால் மீண்டும் கம்பேக் கொடுத்தார்.
குறிப்பாக, ‘சிட்டாடல்’ வெப் தொடர் மற்றும் ‘மா இன்ட்டி பங்காரம்’ படத்தின் வெற்றி அவருக்கு சினிமாவில் இரண்டாவது இன்னிங்ஸை வலுப்படுத்தியது. இதற்கிடையே, இயக்குநர் ராஜ் நெடிமோருவை காதலித்து இரண்டாவது திருமணம் செய்துகொண்ட சமந்தா, தற்போது கர்ப்பமாக உள்ளார்.
மகன் சிக்மா படத்தைப் பார்க்க தியேட்டருக்கு வந்த சங்கீதா.. வைரலாகும் வீடியோ..!
சமீபத்தில் படத்தின் வெற்றி விழாவில் கலந்துகொண்டபோது இவரது கர்ப்பம் குறித்த தகவல்கள் வெளியாகி உறுதி செய்யப்பட்டன. இதனிடையே சமந்தாவுக்குக் குறை பிரசவத்தில் குழந்தை பிறந்துவிட்டதாக சில தவறான தகவல்கள் பரவிய நிலையில், அவரது நெருங்கிய தோழியும் பாடகியுமான சின்மயி அதற்கு விளக்கம் அளித்துள்ளார்.
“சமந்தாவுக்கு நான் பெரிய அளவில் ஆலோசனை எதுவும் கூறவில்லை, அவரைய கவனிக்கவே ஒரு டாக்டர் ஆர்மி இருக்கிறது; அவர் இப்போது உச்சக்கட்ட மகிழ்ச்சியில் உள்ளார்” என சின்மயி தெரிவித்துள்ளார். ரசிகர்களும் சமந்தாவை நன்றாக ஓய்வெடுக்குமாறு அன்புடன் அறிவுறுத்தி வருகின்றனர்.
