நடிகை சாக்ஷி அகர்வால், தனது நீண்ட நாள் நண்பரும், சிறு வயதுத் தோழருமான நவ்னீத் (Navneet) என்பவரை கோவாவில் நடைபெற்ற பாரம்பரிய முறைப்படி திருமணம் செய்து கொண்டார். இவர்களது திருமணம் கடந்த ஆண்டு ஜனவரியில் எளிய மற்றும் நெருங்கிய உறவினர்கள் பங்கேற்ற விழாவாக நடைபெற்றது.
சாக்ஷி அகவாரின் கணவர் நவ்னீத் சினிமா துறையைச் சேர்ந்தவர் அல்ல. அவர் ஒரு பொது நபர் கிடையாது என்பதால், தனது தனிப்பட்ட வாழ்க்கை மற்றும் குடும்பத்தாரைச் சமூக வலைதள விவாதங்களில் இழுப்பதும், ஆதாரமற்ற அவதூறுகளைப் பரப்புவதும் வேதனை அளிப்பதாக சாக்ஷி தனது சமீபத்திய பேட்டியில் கடுமையாகக் கண்டனம் தெரிவித்துள்ளார்.
இந்த உலகத்தை விட்டு வெளியேற.. கிருத்திகா உதயநிதியின் வைரல் பதிவும் ட்ரால்களும்..!
தன்னைப்பற்றி எதை வேண்டுமானாலும் பேசிக் கொள்ளட்டும், தனது உடை அல்லது தோற்றம் குறித்து விமர்சிப்பதில் தனக்கு எந்தக் கவலையும் இல்லை. ஆனால், தன் கணவர் ஒரு பொது நபர் கிடையாது என்றும், அவரைப் பற்றி அவதூறாகப் பேசுவது தங்களுக்கு மிகுந்த மனவேதனையை அளிக்கிறது என்றும் அவர் வெளிப்படையாகக் குறிப்பிட்டுள்ளார்.
தான் தன் கணவருடன் மாலத்தீவு, பேங்காக் போன்ற இடங்களுக்குச் சென்று எடுத்த மகிழ்ச்சியான தருணங்களின் புகைப்படங்களையும் வீடியோக்களையும் உலகத்துடன் பகிர்ந்துகொள்வது தங்களது சந்தோஷத்தைக் வெளிப்படுத்த மட்டுமே. மாறாக, எதைப் பற்றியும் யோசிக்காமல் “பணத்துக்காகத் திருமணம் செய்து கொண்டார்” போன்ற அடிப்படையற்ற மற்றும் எல்லை மீறிய கருத்துகளைப் பரப்பும் நபர்களுக்குச் சாக்ஷி அகர்வால் தனது பேட்டியில் காரசாரமான பதிலடி கொடுத்துள்ளார்.
