நடிகர் விமல் மற்றும் ‘சிவாஜி’ புகழ் நடிகை ஸ்ரேயா முதன்முறையாக இணைந்து நடித்துள்ள ‘சண்டக்காரி’ திரைப்படம் கூடிய விரைவில் திரையரங்குகளில் வெளியாகவுள்ளது என அதிகாரப்பூர்வ அறிவிப்பு வெளியாகியுள்ளது. லண்டனில் உள்ள ஒரு முன்னணி சாப்ட்வேர் நிறுவனத்தை மையமாகக் கொண்டு இத்திரைப்படம் உருவாக்கப்பட்டுள்ளது. உயர் அதிகாரியாக ஸ்ரேயாவும், அங்கு பணியாற்றும் ஊழியராக விமலும் நடித்துள்ளனர்.
இவர்களுக்கிடையேயான ஈகோ மோதல்கள், காதல் மற்றும் காமெடி கலந்த முழுமையான எண்டர்டெயினராக இப்படம் உருவாகியுள்ளது. இப்படத்தில் விமல், ஸ்ரேயாவுடன் இணைந்து நகைச்சுவை நடிகர் சத்யன், கே.ஆர். விஜயா, பிரபு, தேவ் கில், ரேகா உள்ளிட்ட பல முக்கிய பிரபலங்கள் நடித்துள்ளனர். ஜீத்து ஜோசப் கதையில், ஆர். மாதேஷ் இயக்கியுள்ள இப்படத்திற்கு அம்ரீஷ் இசையமைத்துள்ளார்.
முடிந்துபோன வழக்கு பற்றி பேசுவது முட்டாள்தனம்.. துரைமுருகன் ஆவேசம்..!
‘புன்னகை பூ’ கீதா தயாரிப்பில் உருவாகியுள்ள இத்திரைப்படம், மலையாளத்தின் பிரபல இயக்குநர் ஜீத்து ஜோசப் அவர்களின் கதையில் உருவாகியுள்ளது. ஆர். மாதேஷ் இப்படத்தை இயக்கியுள்ளார். லண்டனின் அழகிய பின்னணியில் சாப்ட்வேர் நிறுவனச் சூழலை மையமாக வைத்து இதன் காட்சிகள் படமாக்கப்பட்டுள்ளன.
உயர் அதிகாரியான ஸ்ரேயாவுக்கும், ஊழியரான விமலுக்கும் இடையே அலுவலகத்தில் ஏற்படும் மோதல்களும், இவர்களுக்கிடையில் மாட்டிக்கொண்டு நகைச்சுவை நடிகர் சத்யன் செய்யும் கலாட்டாக்களும் படத்தின் பெரிய பிளஸ் ஆக இருக்கும் என எதிர்பார்க்கப்படுகிறது. இப்படத்திற்கு அம்ரீஷ் இசையமைத்துள்ளார், குருதேவ் ஒளிப்பதிவு செய்துள்ளார் மற்றும் சண்டைக் காட்சிகளை கணல் கண்ணன் கையாண்டுள்ளார். நீண்ட இடைவெளிக்குப் பிறகு நடிகை கே.ஆர். விஜயா மற்றும் தயாரிப்பாளர் ‘புன்னகை பூ’ கீதா ஆகியோர் இப்படத்தின் மூலம் திரையில் மீண்டும் இணைந்துள்ளனர்.
