நடிகை விசித்ரா சமீபத்திய பேட்டி ஒன்றில் சினிமாத் துறை மற்றும் அதில் தான் கடைப்பிடிக்கும் அணுகுமுறை குறித்துப் பகிர்ந்துள்ள கருத்துகள் தற்போது சமூக வலைதளங்களில் வைரலாகி வருகின்றன. சினிமா என்பது குறுகிய காலத்தில் அதிகப் பணம் மற்றும் புகழ் ஈட்டக்கூடிய ஒரு தளம் என்பதில் மாற்றுக் கருத்து இல்லை.
ஆனால், அந்தத் துறையில் உண்மையான அன்பையோ, கருணையையோ எதிர்பார்ப்பது கடினம் என்று அவர் குறிப்பிட்டுள்ளார். குறிப்பாகப் புதுமுகங்களாக சினிமாவுக்குள் நுழையும்போது, ஆரம்பத்தில் அவமானங்கள், கேலி-கிண்டல்கள் மற்றும் அலட்சியங்களை எதிர்கொள்வது தவிர்க்க முடியாததாகிவிடுகிறது என்று தனது அனுபவத்தைப் பகிர்ந்துள்ளார்.
தந்தை விஜய் படத்துடன் மோதலா?.. ஜேசன் சஞ்சய்யின் லேட்டஸ்ட் அப்டேட்ஸ்..!
சினிமாத் துறையில் நிரந்தர நண்பனோ, எதிரியோ கிடையாது என்பதால், எப்போதும் ஒரு குறிப்பிட்ட எல்லையை (Boundary) கடைப்பிடிப்பது அவசியம் என்று விசித்ரா கூறுகிறார். “யாராவது நம்மிடம் மிகவும் பாசமாகப் பழகுகிறார்கள் என்பதற்காக அவர்களுடன் அளவுக்கு அதிகமாக நெருங்கிவிடக் கூடாது; அதே சமயம் யாரையும் எதிரியாக்கி ஒதுக்கிவிடவும் கூடாது. இந்த எல்லையைச் சரியாக வகுத்துக்கொண்டதால்தான், இன்று நான் நிம்மதியாகவும் மகிழ்ச்சியாகவும் இருக்கிறேன்” என்று தெரிவித்துள்ளார்.
நடிகை விசித்ரா பிக்பாஸ் நிகழ்ச்சியில் கலந்துகொண்டபோது, கடந்த காலங்களில் தான் எதிர்கொண்ட பாலியல் துன்புறுத்தல்கள் மற்றும் சினிமாத் துறையில் தனக்கு நேர்ந்த கசப்பான அனுபவங்களைப் பகிர்ந்து கொண்டது அப்போது பெரும் பரபரப்பை ஏற்படுத்தியிருந்தது. தற்போது அவர் சினிமாத் துறை குறித்துத் தெரிவித்துள்ள இந்தக் கருத்துகள், பல இளம் கலைஞர்களுக்கு ஒரு எச்சரிக்கையாகவும் ஆலோசனையாகவும் பார்க்கப்படுகிறது.
