வாழைப்பழம் மற்றும் பிரட் துண்டுகளைக் கொண்டு செய்யப்படும் ‘பனானா பிரட் அல்வா’ (Banana Bread Halwa) ஒரு வித்தியாசமான மற்றும் சுவையான இனிப்பு வகையாகும்.
தேவையான பொருட்கள்
பழுத்த வாழைப்பழம் (2-3), பிரட் துண்டுகள் (4-5), நெய் (தேவையான அளவு), சர்க்கரை அல்லது நாட்டுச் சர்க்கரை (அரை கப்), பால் (அரை கப்), முந்திரி, திராட்சை மற்றும் ஏலக்காய் தூள்.
செய்முறை
Step 1: பிரட் துண்டுகளின் ஓரங்களை நீக்கிவிட்டு, சிறிய துண்டுகளாகப் பிரித்துக்கொள்ளவும். வாழைப்பழங்களைச் சிறியதாக நறுக்கி அல்லது நன்கு மசித்துக்கொள்ளவும்.
Step 2: ஒரு வாணலியில் சிறிது நெய் ஊற்றி, நறுக்கிய பிரட் துண்டுகளைச் சேர்த்து பொன்னிறமாகும் வரை வறுத்து தனியே வைக்கவும். அதே வாணலியில் மசித்த வாழைப்பழத்தைச் சேர்த்து கிளறவும். சிறிது வெந்ததும் பால் சேர்க்கவும்.
கீரை பிடிக்காதவரா? இந்த ஆந்திரா ஸ்டைல் “கீரை வேப்புடு” செஞ்சு பாருங்க, மறுக்காம சாப்பிடுவாங்க..!
Step 3: பிறகு வறுத்த பிரட் துண்டுகளைச் சேர்த்து நன்கு கிளறவும். கலவை ஒன்று சேரும்போது சர்க்கரை சேர்த்து, அல்வா பதம் வரும் வரை கிளறவும். இறுதியாக நெய்யில் வறுத்த முந்திரி, திராட்சை மற்றும் ஏலக்காய் தூள் சேர்த்தால் சுவையான பனானா பிரட் அல்வா தயார்!
