இயக்குநர் லோகேஷ் கனகராஜ் கதாநாயகனாக அறிமுகமாகும் ‘டிசி’ (DC) திரைப்படத்தின் வெளியீடு தள்ளிவைக்கப்பட்டுள்ளது. இப்படம் முதலில் ஜூலை 31, 2026 அன்று வெளியாவதாக அறிவிக்கப்பட்டிருந்தது. ஆனால், தற்போது இது ஆகஸ்ட் 7, 2026-க்குத் தள்ளிவைக்கப்பட்டுள்ளது.
நடிகர் விஜய்யின் கடைசித் திரைப்படமான ‘ஜன நாயகன்’ ஜூலை 23, 2026 அன்று திரையரங்குகளில் வெளியாகிறது. ‘ஜன நாயகன்’ திரைப்படத்தின் பிரம்மாண்டமான வெளியீடு மற்றும் வணிக ரீதியான தாக்கத்தைக் கருத்தில் கொண்டு, அதே காலகட்டத்தில் வெளியாகும் பிற படங்களின் தேதிகள் மாற்றப்பட்டுள்ளன. இதன் ஒரு பகுதியாகவே ‘டிசி’ படத்தின் வெளியீடும் தள்ளிவைக்கப்பட்டுள்ளது.
திருப்பி அனுப்பிய போலீசார்.. முதல்வர் சந்திப்பு விவகாரத்தில் வருத்தத்துடன் பேசிய நடிகை..!
அருண் மாதேஸ்வரன் இயக்கத்தில் சன் பிக்சர்ஸ் தயாரிப்பில் உருவாகியுள்ள இந்தப் படத்தில், லோகேஷ் கனகராஜுக்கு ஜோடியாக வாமிகா கபி நடித்துள்ளார். இப்படம் ‘A’ சான்றிதழ் பெற்றுள்ளது குறிப்பிடத்தக்கது. ‘ஜன நாயகன்’ படத்தின் வெளியீடு காரணமாக, ஜி.வி. பிரகாஷின் ‘இம்மோர்டல்’ போன்ற பிற படங்களும் தங்கள் வெளியீட்டுத் தேதிகளை மாற்றியுள்ளன என்பது குறிப்பிடத்தக்கது.
