இயக்குநர் நெல்சன் திலீப்குமார் இயக்கத்தில் சூப்பர் ஸ்டார் ரஜினிகாந்த் மற்றும் உலகநாயகன் கமல்ஹாசன் இணைந்து நடிக்கும் புதிய படத்தின் ‘க்ளிம்ப்ஸ்’ (Glimpse) வீடியோ சில மாதங்களுக்கு முன்பு வெளியாகி கலவையான விமர்சனங்களைப் பெற்றது. இந்நிலையில், இந்தப் படம் குறித்து நடிகை ஸ்ருதிஹாசன் நேர்காணல் ஒன்றில் சுவாரசியமான பல தகவல்களைப் பகிர்ந்துள்ளார்.
வெளியான க்ளிம்ப்ஸ் வீடியோவில் ரஜினி, கமல் இருவரையும் பார்க்கும்போது நிஜமாக இல்லாமல், ஏதோ ‘ஏஐ’ (AI) தொழில்நுட்பத்தைப் பயன்படுத்தியது போல் இருப்பதாக ரசிகர்கள் ஓபனாகவே தங்களது சலிப்பை வெளிப்படுத்தியிருந்தனர். ரஜினிகாந்த், கமல்ஹாசன் இரண்டு பேருமே செம ஹேண்ட்சமான ஆட்கள். ஆனால், நான் இந்தத் திரைப்படத்தில் நடிக்கவில்லை என்பதைத் தெளிவாகச் சொல்லிக் கொள்கிறேன் என ஸ்ருதிஹாசன் வதந்திகளுக்கு முற்றுப்புள்ளி வைத்துள்ளார்.
போட்டோ எடுக்குறதுதான் வேலையா?.. வெளுத்து வாங்கிய மதிவதனி..!
‘கூலி’ திரைப்படத்தில் பணியாற்றிய பிறகு, ரஜினியின் ஈர்க்கக்கூடிய ஆளுமைக்காகவே தான் அவரது தீவிர ரசிகையாக மாறிவிட்டதாக ஸ்ருதிஹாசன் நெகிழ்ச்சியுடன் குறிப்பிட்டுள்ளார். க்ளிம்ப்ஸ் வீடியோவில் சில குறைகள் இருந்தாலும், மெயின் படத்தில் நெல்சன் அனைத்தையும் சரிசெய்து தரமாகத் தருவார் என்ற நம்பிக்கை ரசிகர்களிடம் உள்ளது. அனைவரையும் போல ரஜினி – கமல் கூட்டணியை ஸ்க்ரீனில் பார்க்கத் தானும் ஆவலாகக் காத்திருப்பதாக ஸ்ருதிஹாசன் தெரிவித்துள்ளார்.
