டோலிவுட்டின் முன்னணி இயக்குநரான கே.ராகவேந்திர ராவ், நடிகைகள் கீர்த்தி சுரேஷ் மற்றும் கிருத்தி ஷெட்டி குறித்துப் பேசிய பழைய சர்ச்சை வீடியோ ஒன்று தற்போது மீண்டும் இணையத்தில் வைரலாகி வருகிறது. இதனைப் பார்த்த பிரபல யூடியூப் விமர்சகர் பிரசாந்த் ரங்கசாமி, இயக்குநரின் பேச்சைக் கடுமையாக சாடி தனது எக்ஸ் (X) தளத்தில் பதிவிட்டுள்ளார்.
இந்த வீடியோவைப் பகிர்ந்த பிரசாந்த் ரங்கசாமி, “என்ன ஒரு கேவலமான புத்தி… அவங்கெல்லாம் பொண்ணுங்களா? இல்ல வேற ஏதாவதா உங்களுக்குத் தெரியுறாங்க?” என்று ஆவேசமாகக் கேள்வி எழுப்பியுள்ளார்.
அடுத்த ட்ரெண்டிங்.. சோசியல் மீடியாவில் வைரலாகும் மாஸ்டர் மகேந்திரன்..!
இயக்குநர் கே.ராகவேந்திர ராவின் சர்ச்சை வீடியோ குறித்து விமர்சகர் பிரசாந்த் ரங்கசாமி “இடியட்” எனத் திட்டியிருந்த நிலையில், அதற்குத் தெலுங்குத் திரை உலக ரசிகர்கள் மற்றும் நெட்டிசன்கள் தரப்பிலிருந்து புதிய விளக்கங்கள் அளிக்கப்பட்டு வருகின்றன. அதே நேரத்தில், இயக்குநருக்கு எதிரான விமர்சனங்களும் தொடர்ந்து நீடித்து வருகின்றன.
அந்த வீடியோவில் இருப்பது தெலுங்குத் திரையுலகின் மிக மூத்த இயக்குநர் என்பது தெரியாமல், அவர் செய்த செயல் தவறு எனச் சுட்டிக்காட்டி விமர்சகர் பிரசாந்த் கடுமையான வார்த்தைகளால் சாடியிருந்தார்.
Who is this old idiot ?
— Prashanth Rangaswamy (@itisprashanth) June 18, 2026
Who gave him the right to touch women without their consent ? pic.twitter.com/e0CSI1SguT
“அங்கு எந்தத் தவறும் நடக்கவில்லை; பொதுவாகப் படப்பூஜை முடிந்தவுடன் சில காட்சிகள் கடமைக்காகப் படமாக்கப்படும். அந்த சமயத்தில், எப்படி ஷாட் வைக்க வேண்டும் என்பதைப் புதிய இயக்குநருக்குச் சொல்லிக் கொடுக்கும் விதமாகவே மூத்த இயக்குநர் ராகவேந்திர ராவ் அப்படிச் செய்துள்ளார்” என்று ரசிகர்கள் தரப்பில் விளக்கம் அளிக்கப்படுகிறது.
அடுத்த ட்ரெண்டிங்.. சோசியல் மீடியாவில் வைரலாகும் மாஸ்டர் மகேந்திரன்..!
இருப்பினும், இந்த விளக்கத்தை ஏற்றுக்கொள்ளாத பலர், அவர் தொடர்ந்து நடிகைகளிடம் இதுபோல அத்துமீறி நடந்து கொள்வதாகக் கூறி, அவரின் மற்ற சில பழைய வீடியோக்களையும் தற்போது சமூக வலைத்தளங்களில் வைரலாக்கி விவாதித்து வருகின்றனர்.
