பொள்ளாச்சியை அடுத்த கோட்டூர் பகுதியில் ஆனைமலை கிழக்கு ஒன்றியம் சார்பில் இன்று மாவட்ட இளைஞரணி பொறுப்பாளர் கிரிஷ் தலைமையில் ஆலோசனைக் கூட்டம் நடைபெற இருந்தது.இக்கூட்டம் வேற்று கட்சியில் இருந்து தமிழக வெற்றிக்கழகத்தில் இணைந்தவர்களால் ஏற்பாடு செய்யப்பட்டது என கூறப்படுகிறது.
இந்த கூட்டத்தில் கலந்து கொள்பவர்களுக்கு பதவிகள் மற்றும் பொறுப்புகள் வழங்கப்படுவதாகவும் அறிவிக்கப்பட்டதாக தெரிகிறது. இந்நிலையில் இதற்கு கோட்டூர் பகுதியைச் சேர்ந்த தவெக கட்சி உறுப்பினர்கள் பலரும் எதிர்ப்பு தெரிவித்து சாலையில் திரண்டதால் பரபரப்பு ஏற்பட்டது.
டாஸ்மாக் தனியார்மயமாகிறதா?.. அரசாணையைச் சுட்டிக்காட்டி அமைச்சர் விளக்கம்..!
விஜய் நடிகனாக இருந்தபோது அவருக்காக ரசிகர் மன்றத்தில் சேர்ந்து வேலை செய்து, பின்பு அவர் கட்சியை ஆரம்பித்த பிறகு கட்சி உறுப்பினர்களாக மாறி பின்பு தொண்டர்களாக ஆகி தேர்தலில் தமிழக வெற்றி கழகம் வெற்றி பெற கடுமையாக உழைத்ததாகவும், தற்போது தேர்தலுக்காக உழைத்த அடிமட்ட ரசிகர் மற்றும் அடிப்படை உறுப்பினரின் உழைப்புக்கு மதிப்பில்லாமல் வேற்றுக்கட்சியில் இருந்து வந்தவர்களுக்கு பதவிகள் வழங்கப்படுவதாக புகார் எழுந்த நிலையில், இதற்கு விஜயின் அடிப்படை ரசிகர்கள் கடும் எதிர்ப்பு தெரிவித்தனர்.
இதனை அடுத்து, இன்று ஆலோசனை கூட்டத்திற்காக கோட்டூர் மலையாண்டிபட்டினம் பகுதியில் வைக்கப்பட்டிருந்த தமிழக முதலமைச்சர் விஜய் மற்றும் மதுவிலக்கு மற்றும் ஆயத்த தீர்வைத் துறை அமைச்சர் விக்னேஷ் புகைப்படங்கள் அச்சடிக்கப்பட்ட பிளக்சுகள் அவர்களது ரசிகர்களாலே உட்கச்சிப் பூசலால் கழற்றி அகற்றப்பட்டது.
மேலும் இது குறித்து மாவட்ட இளைஞர் அணி அமைப்பாளர் கிரிசியிடம் உறுப்பினர்கள் வாக்குவாதத்தில் ஈடுபட்டதால் அப்பகுதி பரபரப்பாக காணப்படுகிறது.
புதிதாக ஆரம்பிக்கப்பட்டுள்ள தமிழக வெற்றிக்கழகத்திற்கு பலரும் தேர்தலின் போது களப்பணி ஆற்றியுள்ளதால் பொறுப்புகளை எதிர்பார்க்கும் நிலையில் தற்போது பொள்ளாச்சி பகுதியில் தொடர்ந்து உட்கட்சி பூசல் நிலவி வருகிறது.
தமிழக வெற்றி கழகம் சார்பில் நடைபெறும் நிகழ்ச்சிகளுக்கான வெற்றி கொண்டாட்டங்கள் பெரும்பாலும் பல்வேறு தரப்பினரால் ஆங்காங்கே தனிப்பட்ட முறையில் நடத்தப்படுவது குறிப்பிடத்தக்கது.
