தமிழக வெற்றி கழக தலைவர் விஜய் முதலமைச்சராக பொறுப்பேற்று உள்ளார். இதனை தொடர்ந்து, திமுக தலைவர் மு க ஸ்டாலின், மதிமுக பொதுச்செயலாளர் வைகோ, பாமக தலைவர் அன்புமணி ராமதாஸ், நாம் தமிழர் கட்சி ஒருங்கிணைப்பாளர் சீமான், ஆகியோரை மரியாதை நிமித்தமாக நேற்று சந்தித்து வாழ்த்து பெற்றார்.
முதலமைச்சரின் அரசியல் தலைவர்களை சந்தித்து வாழ்த்து பெறுவது அரசியல் நாகரீகம் என்று பலரும் பாராட்டி வந்தனர். இந்நிலையில், இன்றும் அரசியல் தலைவர்களை சந்தித்து முதலமைச்சர் வாழ்த்து பெறுகிறார்.
அந்த வகையில், முதலில் சென்னை மண்ணடியில் உள்ள இந்திய யூனியன் முஸ்லிம் லீக் கட்சி அலுவலகத்திற்கு முதலமைச்சர் விஜய் சென்றார். இந்நிலையில், முதலமைச்சர் விஜய் இன்று தமிழக காங்கிரஸ் தலைமை அலுவலகத்திற்கு சென்றார். திருவல்லிக்கேணியில் உள்ள காங்கிரஸ் அலுவலகத்திற்குச் சென்ற முதலமைச்சர் விஜய் தமிழக காங்கிரஸ் தலைவர் செல்வபெருந்தகை வரவேற்றார்.
இந்நிலையில், முதலமைச்சர் விஜய் இன்று அதிமுக எம்எல்ஏ சி.வி சண்முகம் அலுவலகத்திற்கு சென்றுள்ளார். அதிமுகவில், எடப்பாடி பழனிச்சாமி தரப்பு சி.வி சண்முகம் மற்றும் எஸ் பி வேலுமணி தரப்பு என இரண்டு தரப்பாக பிளவுபட்டுள்ளது. இதில், சிவி சண்முகம் மற்றும் எஸ்பி வேலுமணி தரப்பில் 30 அதிமுக எம்எல்ஏக்கள் ஆதரவாக உள்ளதாக கூறப்படுகிறது.
இதையடுத்து, சிவி சண்முகம், எஸ்பி வேலுமணி, விஜயபாஸ்கர் உள்ளிட்ட பல்வேறு அதிமுக எம்எல்ஏக்கள் சென்று வரவேற்றுனர். இதையடுத்து, சிவி சண்முகம் அலுவலகத்திற்கு சென்று முதல் அமைச்சர் விஜயை அதிமுக எம்எல்ஏக்கள் சந்தித்து பூங்கொத்து கொடுத்து தங்கள் வாழ்த்தை தெரிவித்தனர்.
