தமிழகம் முழுவதும் பெரும் அதிர்வலைகளை ஏற்படுத்தியுள்ள ஜெம் கிரானைட்ஸ் நிறுவன உரிமையாளர் வீரமணி மீதான போக்சோ மற்றும் பாலியல் வன்கொடுமை வழக்கு நாளுக்கு நாள் விஸ்வரூபம் எடுத்து வருகிறது. சிறுமிகளுக்கு எதிரான பாலியல் சீண்டல்கள் மற்றும் டிஜிட்டல் ஆதாரங்கள் வெளியான விவகாரம் பூதாகரமாக வெடித்துள்ள நிலையில், இவ்வழக்கை மத்திய விசாரணை அமைப்பான சிபிஐ-க்கு (CBI) மாற்றக் கோரி சென்னை உயர்நீதிமன்றத்தில் அவசர முறையீடு செய்யப்பட்டுள்ளது.
தலைமை நீதிபதி எஸ்.ஏ. தர்மாதிகாரி மற்றும் நீதிபதி ஜி. அருள்முருகன் அடங்கிய அமர்வில் மூத்த வழக்கறிஞர் என்.எல். ராஜா இந்த முறையீட்டை முன்வைத்தார். வழக்கில் தொடர்புடைய சில வீடியோக்கள் வெளிவந்துள்ளதாகவும், முந்தைய கட்ட விசாரணைகளைக் கையாண்ட காவல் துறை உயர் அதிகாரிகள் சிலைகை கட்டாய காத்திருப்பில் வைக்கப்பட்டுள்ளதையும் அவர் சுட்டிக்காட்டினார்.
வழக்கை சிபிஐ விசாரணைக்கு மாற்றக் கோரி முறைப்படி மனு தாக்கல் செய்ய உள்ளதாகத் தெரிவிக்கப்பட்டது. இதை விசாரித்த நீதிபதிகள், இவ்வழக்கை விசாரிக்க ஏற்கனவே சிறப்புப் புலனாய்வுக் குழு (SIT) அமைக்கப்பட்டுள்ளதால், தற்பொழுது காவல் துறையினர் விசாரணையைத் தொடரலாம் என்றும், மனுவாகத் தாக்கல் செய்தால் அது முறையான விசாரணைக்கு எடுத்துக் கொள்ளப்படும் என்றும் உத்தரவிட்டனர்.
