அமமுக எம் எல் ஏ காமராஜரை காணவில்லை என நேற்று ஆளுநரிடம் அளித்த புகார் தொடர்பாக சென்னை அடையற்றில் அமமுக பொதுச்செயலாளர் டிடிவி தினகரன் செய்தியாளர்களை சந்தித்தார். அப்போது, பேசுகையில், குதிரை பேரம் நடத்துகிறது என்றும் கவர்னரிடம் தெரிவித்ததாகவும், ஆனால் காமராஜர் கையெழுத்திட்டதாக கூறும் அசல் கடிதம் எங்கே ? காரில் அமர்ந்து கையெழுத்திட்டது போன்ற வீடியோ எடுத்தது யார் ? திமிரிலும் வன்மத்திலும் தமிழக வெற்றி கழகத்தினர் வீடியோ வெளியிட்டுள்ளனர்.
எனது கட்சி எம்எல்ஏ ஆதரவு அளித்திருந்தால், அவரை கவர்னர் மாளிகைக்கு அழைத்து செல்லாதது ஏன் என ஒப்புதலுடன் கடிதம் கொடுக்கப்பட்டதாக கூறி எங்களுக்கு கூட்டணிக்கு குழப்பத்தை ஏற்படுத்த தமிழக வெற்றிக் கழகத்தின் முயல்வதாகவும் தெரிவித்துள்ளார்.
கொலை மிரட்டல்.. போதையில் ரகளை செய்த வாலிபரால் மருத்துவமனையில் பரபரப்பு..!
மேலும், பேசுகையில் தமிழக வெற்றிக்கழகத்தினர் என்னை மிரட்டவும் பயமுறுத்தவும் பார்க்கிறார்கள். விஜய் 108 சீட் வென்றிருந்தால் எனக்கு என்ன ? விஜய் என்ன எனக்கு மாமனா மச்சானா ? நாங்கள் ஏன் தமிழக வெற்றிக்கழகத்திற்கு ஆதரவு அளிக்க வேண்டும். விஜய் பெரிய ஹீரோவாக இருந்தால், எனக்கு என்ன காமராஜர் கையெழுத்திட்டதாக கூறி தமிழக வெற்றிக்கழகத்தினர் வெளியிட்ட வீடியோ AI மூலமாக உருவாக்கப்பட்டதாக இருக்கலாம். முதலமைச்சர் ஆவதற்கு விஜய் மோசடி செய்கிறார். மக்களுக்கு தமிழக வெற்றிக்கழகம் விளக்கம் அளிக்க வேண்டும் என்றும் அந்த பேட்டியில் தெரிவித்திருந்தார்.
