உங்களுடைய கை, முகம், கால்களை விட கழுத்து பகுதி மட்டும் மிகவும் கருப்பாக இருக்கிறது என்ற கவலையா? அதிகமாக வெயில்படும்போது கருமை அடையும். இதை சன் டன் என்று அழைப்பார்கள். இது நமது சருமத்தின் நிறத்திற்கு காரணமான மெலனின் என்னும் நிறமி அதிகமாக உற்பத்தி செய்யப்படுவதால் நிகழ்வது. மேலும், இந்த மெலனின் சூரியனின் புற ஊதா கதிர்களால் ஏற்படும் பாதிப்பிலிருந்து நமது சரும செல்களை பாதுகாக்கிறது. இப்படி கருப்பாக இருக்கக்கூடிய கழுத்து பகுதியை இயற்கை பொருட்களைக் கொண்டு பராமரிக்கும் பொழுது அந்தப் பகுதியில் இருக்கக்கூடிய கருமை குறைவதை கண்கூடாக காணலாம்.
கற்றாழை ஜெல்
கற்றாழை ஜெல் கழுத்து பகுதியில் இருக்கக்கூடிய கருமையை போக்க மிகவும் உதவியாக இருக்கிறது. இதனை தினமும் காலை, மாலை என இரண்டு வேலைகளிலும் கழுத்தில் தடவி பத்து நிமிடம் ஊற வைத்து கழுவ நல்ல பலன் விரைவில் கிடைக்கும்.
‘சன் டான்’ தொல்லையா?.. கைகளில் உள்ள கருமையை நீக்க சிறந்த டிப்ஸ்..!
எலுமிச்சை
வைட்டமின் சி இருக்கக்கூடிய எலுமிச்சை கழுத்து பகுதியில் உள்ள கருமையை குறைக்க உதவி புரிகிறது. அதற்கு ஒரு பவுலில் ஒரு டீஸ்பூன் எலுமிச்சை சாற்றினை எடுத்து அத்துடன் சிறிது நீரை கலந்து கழுத்து பகுதியில் தடவி 20 நிமிடம் ஊற வைக்க வேண்டும் பின்பு குனிந்த நீரால் கழுவி வர கருமை மறைவதை நீங்கள் கண்கூடாக பார்க்கலாம்.
தயிர்
தயிரில் லாக்டிக் அமிலம் இருப்பதால் இதை கழுத்தில் தடவி சிறிது நேரம் மசாஜ் செய்து ஊற வைத்து கழுவும் போது கழுத்தில் உள்ள கருமை நீங்கிவிடும்.
உருளைக்கிழங்கு
உருளைக்கிழங்கு ஏராளமான ஆரோக்கிய நன்மைகளைக் கொண்டு இருந்தாலும் அதனை அரைத்து சாறு எடுத்து கழுத்தில் தடவி 15 நிமிடங்கள் ஊறவைத்து அதனை குளிர்ந்த நீரால் கழுவ கழுத்தில் உள்ள கருமை மாயமாய் மறைவதை காணலாம்.
வெள்ளரிக்காய்
கோடைகால உணவுகளில் அற்புதமான ஒன்று சரும கருமையை போக்க இது உதவி புரிகிறது. அதற்கு ஒரு டேபிள் ஸ்பூன் வெள்ளரிக்காய் சாறுடன் ஒரு டேபிள் ஸ்பூன் எலுமிச்சை சாற்றை செய்ய கலந்து கொள்ள வேண்டும். பின்பு அதை கழுத்தில் தடவி பத்து நிமிடம் ஊற வைக்க வேண்டும் பின்னர் குனிந்த நீரால் கழுவ விரைவில் மாற்றத்தை காணலாம்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
