சம்மர் வந்துவிட்டாலே மார்க்கெட்டுகளில் பலவிதமான சுவையான மற்றும் நீர்ச்சத்துள்ள நிறைய பழங்களை நாம் காணலாம். சம்மர் என்றதுமே அனைவரின் நினைவுக்கு வருவது மாம்பழம், நுங்கு, தர்பூசணி, முலாம்பழம் போன்றவை.
இந்த பழங்கள் கோடை காலத்தில் தான் விலை குறைவாகவும் கிடைக்கும். நுங்கு அளவில் சிறியதாக இருந்தாலும், அதன் சுவை மிகவும் அருமையாக இருக்கும். நுங்கில் ஏராளமான சத்துக்கள் கொட்டி கிடைக்கின்றன. இந்த நுங்கு குறித்து பலரின் மனதிலும் ஒரு சில கேள்விகள் எப்போதும் இருந்தவாறு இருக்கும்.
நுங்கு குளிர்ச்சி ஏற்படுத்துமா?
நுங்கு குளிர்ச்சியானது மற்றும் உடல் சூட்டை தணிக்கும் என்று பொதுவாக நம்பப்படுகிறது. ஆனால், அறிவியல் பூர்வமாக பார்த்தால் நுங்கு என்பது 85 லிருந்து 90% நீரால் ஆனது. எனவே, வெயில் காலத்தில் அதிகமான வெப்பத்தால் உடலில் நீர்ச்சத்து குறைபாடு ஏற்படுகிறது. இப்படி நீர்ச்சத்து குறையும் போது சிறுநீர் கழிக்கும் போது எரிச்சல் ஏற்படும். அதிக வெப்பத்தால் சருமத்தில் வெயில் கொப்பளங்கள் வரலாம். இவற்றையெல்லாம் வைத்துத்தான் உடல் சூடு பிடித்துள்ளது என்று கூறுவார்கள்.
நீரிழிவு நோயாளிகளுக்கு ஷீலா மீன் நல்லதா?.. மிஸ் பண்ணாம படிங்க..!
இந்த பிரச்சனைகளுக்கு தீர்வு என்றால் நீச்சத்துள்ள உணவுகளை அதிகமாக எடுத்துக் கொள்வதுதான். எந்த அளவுக்கு நீர்ச்சத்துள்ள உணவுகளை எடுத்துக் கொள்கிறோமோ அந்த அளவு உடல் சூடு குறையும் என்று கூறப்படுகிறது. எனவே நுங்கில் நீர்ச்சத்து அதிகமாக இருப்பதால், இதை அதிகமாக உட்கொள்ளும் போது உடலின் நீர்ச்சத்து அதிகரிக்கும். நேரடியாக உடல் சூட்டை குறைக்காவிட்டாலும் உடல் சூட்டின் அறிகுறிகளை சற்று தனிக்க கட்டாயம் நுங்கு உதவுகிறது.
சர்க்கரை நோயாளிகள் நுங்கு சாப்பிடலாமா?
நாம் சாதாரணமாக சாப்பிடக்கூடிய இட்லி, தோசை மற்றும் பழங்களுடன் ஒப்பிடுகையில் மாவுச்சத்து குறைவாகத்தான் நுங்கில் இருக்கிறது. அந்த வகையில், பார்க்கும்பொழுது சர்க்கரை நோயாளிகள் ஒன்றிலிருந்து இரண்டு நுங்கை சாப்பிடலாம். அதற்காக கிலோ கணக்கில் சாப்பிட்டால் சர்க்கரை அளவு அதிகரிக்க தான் செய்யும். எனவே, இதனை நினைவில் வைத்துக் கொண்டு செயல்படலாம்.
எடை குறைப்பவர்கள் நுங்கு சாப்பிடலாமா?
பொதுவாக எடை குறைப்பவர்கள் தாராளமாக சாப்பிடலாம். இருப்பதிலேயே கலோரி குறைவானதாக அளவு கொண்ட உணவு பொருள் என்றால் நுங்குதான் தாராளமாக நான்கிலிருந்து ஐந்து நுங்குகளை உட்கொள்ளலாம். இதனால், கலோரிகளும் மாவு சத்தும் அதிகரிக்காது, உடலில் நீர் சத்தும் அதிகரிக்கும். வயிறும் நிறையும். எனவே, உடல் எடை குறைப்பவர்களுக்கு இது ஒரு அற்புதமான உணவு என்று கூறலாம்.
மற்ற பழங்களை விட நுங்கு நல்லதா?
நுங்கின் சிறப்பை அதில் உள்ள நீர்ச்சத்து தான் மற்றபடி பிற பழங்களை விட நிறைய சத்துக்கள் கொண்டது என்றெல்லாம் கூற முடியாது. உதாரணமாக கொய்யாப்பழத்தில் இருப்பது போல் வைட்டமின் சியோ வாழைப்பழத்தில் உள்ளது போன்றது பொட்டாசியமோ நுங்கில் காணப்படுவதில்லை. எனவே மற்ற படங்களுடன் ஒப்பிட முடியாது. ஆனால், கோடை காலத்திற்கு ஏற்ற நீர்ச்சத்து நிறைந்த மாவுசத்து குறைவான ஒரு அற்புதமான சுவையான பழம் என்று நுங்கை கூறலாம்.
நுங்கை சருமத்தில் பயன்படுத்தலாமா?
கோடையில் சந்திக்கும் முகப்பரு, வியர்குரு போன்றவற்றின் மீது நுங்கின் நீர் மற்றும் தசைப் பகுதியை நிச்சயம் தடவலாம். இதனால், ஓரளவு நன்மை கிடைக்கிறது என்று ஆய்வு முடிவுகளும் கூறப்படுகிறது. நுங்கில் கற்றாழை போல் அலர்சி எதிர்ப்பு பண்புகள் இல்லாவிட்டாலும், இதில் நீர் தன்மையை ஈர்த்து வைக்கக்கூடிய பண்புகள் இருப்பதால் கோடையில் சருமம் அதிகமாக வறட்ச்சி அடையாமல் இருக்க இது உதவுகிறது.
எனவே வியர்க்குரு உள்ளவர்கள் கற்றாழை அளவிற்கு பயனை தராவிட்டாலும் மிதமான அளவில் நுங்கு நல்ல பையனை கொடுக்கிறது. ஆனால், அதிகமாக தோல் வெடிப்பு ஏற்பட்டால் உடனடியாக தோல் மருத்துவரை அணுகுவது சிறந்ததாக கருதப்படுகிறது.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN Now பொறுப்பாகாது.
