நடிகர் விஜய் மற்றும் தமிழக வெற்றிக்கழக தலைவர் கட்சியை தொடங்கி வரும் சட்டமன்ற பொது தேர்தலை எதிர்கொள்கிறார். அதாவது, 234 தொகுதிகளிலும் தனது வேட்பாளர்களை அறிவித்து பிரச்சாரத்தில் ஈடுபட்டு வருகிறார். இந்நிலையில், நடிகர் சத்தியராஜ் மகன் சிபிராஜ் விஜய்க்கு ஆதரவாகவே அவர் கட்சி தொடங்கிய நாளிலிருந்து தனது சமூக வலைதள பக்கத்தில் பதிவிட்டு வருகிறார்.
ஆனால், சத்யராஜின் மகள் திவ்யா சத்யராஜ் திமுகவில் தீவிர ஆதரவாளர் மட்டுமல்லாமல் திமுகவில் தகவல் தொழில்நுட்ப பிரிவின் துணை செயலாளர் ஆகவும் பொறுப்பில் இருந்து வருகிறார். இதனால், நடிகர் விஜய்யின் அரசியல் நடவடிக்கைகளை அவர் மிகவும் காட்டமாகவே விமர்சித்து வந்தார். அதேபோல், நடிகர் சத்யராஜ் விஜயின் அரசியல் நிலைப்பாடுகளை நடவடிக்கைகளையும் காட்டமாகவே விமர்சித்து வருகிறார்.
இந்நிலையில், ஒரே குடும்பத்திற்குள் இருவர் திமுகவிற்கும் ஒருவர் தமிழக வெற்றி கழகத்திற்கும் ஆதரவாக இருக்கும் போது குடும்பத்திற்குள் எந்த சண்டையும் வரவில்லையா என்று பத்திரிகையாளர் கேட்டதற்கு பதில் கொடுத்துள்ளார் திவ்யா சத்யராஜ்.
அதாவது, இது தொடர்பாக அவர் கூறுகையில், எனக்கு இந்த உலகத்தில் மிகவும் பிடித்த இரண்டு பேர் என்றால் அது ஒன்று எனது அப்பா சத்தியராஜ், மற்றொன்று எனது சகோதரன் சிபிராஜ் இவர்கள் இருவரையும் எனக்கு மிகவும் பிடிக்கும். சிபிராஜுக்கு நீல நிறம் பிடிக்கும் எனக்கு பிங்க் நிறம் பிடிக்கும்.
இந்த காரணத்திற்காக எங்கள் இருவருக்கும் ஒருபோதும் சண்டை வந்ததே கிடையாது. அப்படி பார்க்கையில், திமுக, தவெக என்ற சண்டையும் வந்ததில்லை. நாங்கள் மிகவும் முற்போக்கான குடும்பம். நேற்று கூட நாங்கள் அனைவரும் இணைந்து பிரியாணி சாப்பிட வெளியே சென்றும். ஆனால், எங்களுக்குள் இது தொடர்பாக எந்த சண்டையும் வர வாய்ப்பே இல்லை என்று பதில் அளித்தார்.
