வணிகப் பயன்பாட்டிற்கான சமையல் கியாஸ் சிலிண்டர் விலை மீண்டும் உயர்த்தப்பட்டுள்ளது. மாதத்தின் தொடக்கத்திலேயே எண்ணெய் நிறுவனங்கள் வெளியிட்டுள்ள புதிய விலை உயர்வின்படி, 19 கிலோ எடை கொண்ட வணிகப் பயன்பாட்டு எல்.பி.ஜி சிலிண்டர் விலை உயர்த்தப்பட்டுள்ளது. இதன் காரணமாக நாட்டின் முக்கியப் பெருநகரங்களில் சிலிண்டருக்கு ரூ.62.50 முதல் ரூ.71.50 வரை விலை அதிகரிக்கப்பட்டுள்ளது.
ஆதார் சேவைகளில் அதிரடி மாற்றங்கள்.. யுஐடிஏஐ அறிவித்த 5 புதிய திட்டங்கள்..!
குறிப்பாக, சென்னையில் வணிக சிலிண்டர் விலை ரூ.66.50 உயர்த்தப்பட்டு, இதுவரை ரூ.2,916.50-க்கு விற்பனை செய்யப்பட்டு வந்த நிலை மாறி, தற்போது ரூ.2,983.00 ஆக உயர்ந்துள்ளது. இதனால் ஹோட்டல்கள், உணவகங்கள் மற்றும் சிறு வணிக நிறுவனங்கள் பாதிக்கப்பட்டுள்ளனர்.
அதேவேளையில், இல்லத்தரசிகளுக்கு நிம்மதி அளிக்கும் வகையில் 14.2 கிலோ எடைக் கொண்ட சாதாரண வீட்டு உபயோக கியாஸ் சிலிண்டர் விலையில் எந்தவித மாற்றமும் செய்யப்படாமல், வழக்கம்போல ரூ.957.50-க்கே விற்பனை செய்யப்படும் என அறிவிக்கப்பட்டுள்ளது.
