தமிழ் சினிமாவில் தனித்துவமான கானா பாடல்கள் மற்றும் கிராமிய மெட்டுகளால் ரசிகர்களைக் கவர்ந்த இசையமைப்பாளர் தேவா, ‘மீசைய முறுக்கு 2’ படத்தின் வெற்றி விழாவில் கலந்துகொண்டு பேசிய சுவாரஸ்ியமான தகவல்கள் தற்போது சமூக வலைதளங்களில் வைரலாகி வருகின்றன. விழாவில் பேசிய அவர், தான் சினிமாவுக்கு வந்த காலத்தில் நிலவிய கடும் போட்டியை நினைவுகூர்ந்தார்.
“இளையராஜாவுக்குப் பிறகு சினிமாவில் நுழைந்த 28-வது இசையமைப்பாளர் நான். எனக்கு முன்னால் வந்த 27 பேர் நிலைக்க முடியவில்லை. ஒருபுறம் அசைக்க முடியாத சக்தியாக இளையராஜாவும், மறுபுறம் வெஸ்டர்ன் இசையுடன் ஏ.ஆர். ரஹ்மானும் கோலோச்சிய அந்தக் காலகட்டத்தில் இருவருக்கும் நடுவே நிற்பது சவாலாக இருந்தது” என்றார்.
பாரதிராஜா பிரிவைத் தாங்க முடியாமல்தான் பாக்யராஜ் இறந்தார்.. கண் கலங்கிய நெப்போலியன்..!
மேலும், தன் இசை மீது விழும் விமர்சனங்கள் குறித்தும் பேசிய தேவா, “கொஞ்சம் கிராமத்து இசை போட்டால் ‘இளையராஜா சாயல்’ என்பார்கள்; கொஞ்சம் வெஸ்டர்ன் கலந்தால் ‘ஏ.ஆர். ரஹ்மானைத் தொடப் பார்க்கிறார்’ என்பார்கள். இதிலிருந்து தப்பிக்க நமக்கென்று ஒரு தனி அடையாளம் வேண்டும் என்று நினைத்துத்தான் என் நண்பர்கள் அந்தோணி மற்றும் அல்போன்ஸ் உதவியுடன் கானா இசையைக் சினித்திற்குக் கொண்டு வந்தேன்.
‘சலோமியோ’ உள்ளிட்ட பாடல்கள் மூலம் கானாவை மெயின்ஸ்ட்ரீம் சினிமாவுக்குக் கொண்டு வருவது எளிதல்ல; தயாரிப்பாளர்கள், இயக்குநர்கள் மற்றும் ஹீரோக்களை சம்மதிக்க வைக்க வேண்டும்” என்றார். ஆரம்பக் காலத்தில் சுந்தர்.சி தன் படங்களில் கானா பாடல்களுக்கு அனுமதி தந்ததை நெகிழ்ச்சியுடன் குறிப்பிட்ட அவர், தற்போது ‘மீசைய முறுக்கு 2’ படக்குழுவினர் கானா இசையை மீண்டும் உயிர்ப்பித்திருப்பதைப் பாராட்டி வாழ்த்தினார். முன்னதாக, தேவாவிடம் ஹிப்ஹாப் ஆதி ஆசிர்வாதம் வாங்கிய புகைப்படங்களும் இணையத்தில் பெரும் வரவேற்பைப் பெற்றுள்ளன.
