தமிழ் சினிமாவில் தனித்துவமான நடிப்புத் திறமையால் ரசிகர்களைக் கவர்ந்தவர் ‘அட்டகத்தி’ தினேஷ். ‘அட்டகத்தி’, ‘விசாரணை’, ‘கபாலி’, ‘இரண்டாம் உலகப்போரின் கடைசி குண்டு’ எனப் பல வித்தியாசமான கதைகளைத் தேர்ந்தெடுத்து நடித்து வரும் இவர், தற்போது பா.ரஞ்சித் இயக்கத்தில் ‘வேட்டுவம்’, ‘பந்தாக்ஸ்’ போன்ற படங்களில் பிஸியாக நடித்து வருகிறார். 42 வயதாகும் தினேஷ் இதுவரை திருமணம் செய்துகொள்ளாமல் இருந்து வந்த நிலையில், அவரைப் பற்றிய பல காதல் கிசுகிசுக்கள் அவ்வப்போது வெளிவந்த வண்ணம் இருந்தன.
குறிப்பாக, பிரபல சின்னத்திரை தொகுப்பாளினி எழிலரசியும், நடிகர் தினேஷும் நீண்ட நாட்களாகக் காதலித்து வருவதாகவும், விரைவில் இவர்கள் திருமணம் செய்துகொள்ள இருப்பதாகவும் செய்திகள் பரவின. இந்த வதந்திகளுக்கு முற்றுப்புள்ளி வைக்கும் விதமாக, தொகுப்பாளினி எழிலரசி தனது இன்ஸ்டாகிராம் பக்கத்தில் நடிகர் தினேசுக்கு இனிய பிறந்தநாள் வாழ்த்துகளைத் தெரிவித்து ஒரு பதிவை வெளியிட்டுள்ளார்.
56வது பிறந்தநாளைக் கொண்டாடும் நடிகை குஷ்பூ.. திரையுலகினர் வாழ்த்து..!
அதில், “என் அன்பிற்குரியவருக்கு இனிய பிறந்தநாள் வாழ்த்துகள்… வாழ்க்கையில் ஏற்ற இறக்கங்கள் எதுவாக இருந்தாலும், ஒவ்வொரு முறையும் நான் உன்னைத்தான் தேர்ந்தெடுப்பேன்” எனக் குறிப்பிட்டுள்ளார். எழிலரசியின் இந்த வெளிப்படையான காதல் அறிவிப்பு தற்போது இணையத்தில் காட்டுத்தீ போலப் பரவி வரும் நிலையில், விரைவில் இவர்களது திருமணம் குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
