கோவை ஒண்டிப்புதூர் மேம்பாலத்தின் கீழ் சுற்றி செல்ல, சங்கடபட்டு நோ என்ட்ரி, சாலையில் வரும் வாகனங்களால் ஏற்படும் போக்குவரத்து நெரிசல்கள்! வாகன ஓட்டிகளின், வாக்குவாதத்தால் வைரலான வீடியோ பதிவுகள்.
கோவை மாவட்டம் சிங்காநல்லூர் அடுத்த ஒண்டிப்புதூர் பகுதியில், இரயில்வே மேம்பாலம் அமைந்துள்ளது இந்த மேம்பாலத்தின் கீழ் பகுதியின் வழியாக பட்டணம் சாலை, மற்றும் பாலக்காடு தேசிய நெடுஞ்சாலைக்கு செல்லும் இணைப்பு சாலை அமைந்துள்ளது. இந்த சாலையை பயன்படுத்தும் அந்தப் பகுதியைச் சேர்ந்த உள்ளூர் வாசிகள், ஒரு கிலோமீட்டர் சுற்றி சென்று மேம்பாலத்தை அடையாமல், ஒன் வே, என்று அழைக்கப்படும் ஒருவழிப் பாதையில், சுமார் 100 மீட்டர், சென்று மேம்பாலத்தை அடைகின்றனர்.
இருசக்கர வாகனங்கள் அளவுக்கு அதிகமாக இந்த சாலைகள் பயணிப்பதால், கார்கள், மற்றும் கனரக வாகனங்கள் பலரும் போக்குவரத்து விதிகளை பின்பற்றி ஒரு கிலோமீட்டர் தொலைவு சுற்றியே சென்று மேம்பாலத்தை அடைகின்றனர். ஏனென்றால் இந்த சாலை ஒரு வாகனம் மட்டும் செல்லும் வகையில் அமைய பெற்றுள்ளது. இந்த சாலையின் வழியான, உள்ளூர் வாசிகள் பலரும் தங்களது கார்களை இந்த நோ என்ட்ரி என்றழைக்கபடும் ஒன்வே, பாதையில் வருவதால் அடிக்கடி போக்குவரத்து நெரிசல் ஏற்படுகின்றது.
பிரியாணி கடை பூட்டை உடைத்து ரூ.16 லட்சம் பொருட்கள் திருட்டு.. காவல் ஆணையரிடம் பரபரப்பு புகார்..!
அதேபோல இன்றும் உள்ளூர் வாசி ஒருவர் நோ என்ட்ரி பாதையில் வந்தது மட்டுமின்றி முறையாக வரும் வாகன ஓட்டுனரை பின்னால் போகச் சொல்லி சண்டை இட்டுள்ளார். ஆனால் அந்த வாகன ஓட்டுநர், இது ஒரு வழிச்சாலை நீங்கள் தான் எதிர்புறமாக வந்து போக்குவரத்திகற்க்கு இடையூறு ஏற்படுத்திக் கொண்டிருக்கிறீர்கள் நீங்கள் தான் பின்னாடி செல்ல வேண்டும் என்று அவருடன் வாக்குவாதத்தில் ஈடுபட்டார். ஆனால் உள்ளூர் வாசியோ இது ஒன்றும் ஒரு வழி பாதை கிடையாது, நான் தினமும் இந்த வழியாகத்தான் செல்கிறேன் என்று அவருடன் வாக்குவாதத்தில் ஈடுபட்ட காட்சிகள் தற்பொழுது வைரலாகி வருகின்றது.
மேலும் இந்த சாலையில் அடிக்கடி இத்தகைய சம்பவங்கள் நடைபெறுவதால் போக்குவரத்து காவலர்களை இங்கு நியமிக்க வேண்டும், இல்லை என்றால் இங்கு சிசிடிவி கேமராக்கள் பொருத்தப்பட்டு, அவை காவல் துறையின் கட்டுப்பாட்டின், கீழ் அமையபெற்று, விதிகளை மீறி, ஒரு வழிப்பாதையில் செல்லும் வாகனங்களின் பதிவெண்களை கொண்டு அவர்களுக்கு தினம் தோறும் அபராதங்கள் விதிக்கப்பட வேண்டும், அவ்வாறு செய்தால் மட்டுமே இத்தகைய போக்குவரத்து விதிமீறல்களை தடுக்க முடியும். வாகன போக்குவரத்து நெரிசல்களையும் தவிர்க்க முடியும் என்று சமூக ஆர்வலர்கள் கோரிக்கை விடுத்துள்ளனர்.
