தமிழ்நாட்டில் உலகத் தரம் வாய்ந்த மோட்டார் ஸ்போர்ட்ஸ் சிட்டி (Motor Sports City) அமைக்கும் திட்டத்தைச் செயல்படுத்தும் வகையில், லண்டனில் உள்ள புகழ்பெற்ற சில்வர்ஸ்டோன் மோட்டார் ரேசிங் சர்க்யூட்டிற்கு (Silverstone Motor Racing Circuit) முதலமைச்சர் விஜய் அரசு முறைப் பயணம் மேற்கொண்டுள்ளார்.
அங்குள்ள ரேஷிங் டிராக்கின் வடிவமைப்பு, பாதுகாப்பு அம்சங்கள் மற்றும் வணிக ரீதியான பராமரிப்பு முறைகளைப் பார்வையிட்டு ஆய்வு செய்வது இ்ப்பயணத்தின் முக்கிய நோக்கமாகும். மேலும், எலக்ட்ரிக்கல் வாகன உற்பத்தி (EV) மற்றும் மின்னணுவியல் துறைகளில் தமிழகத்திற்குத் தேவையான பன்னாட்டு முதலீடுகளை ஈர்ப்பதும் இதன் இலக்காகும்.
இதே காலகட்டத்தில் நடிகர் அஜித் குமார் அங்கு நடைபெறும் கார் பந்தயப் போட்டியில் கலந்துகொள்வதால், ரேஸ் தளத்தில் முதலமைச்சர் விஜய்யும் அஜித்தும் நேரில் சந்தித்துக் கொள்ள வாய்ப்புள்ளதாகக் கூறப்படுகிறது. மேலும், நடிகை த்ரிஷா மற்றும் பிற சினிமா பிரபலங்கள் லண்டனில் இருப்பதால், இவர்களின் சந்திப்புகள் குறித்து கோலிவுட் வட்டாரத்திலும் சமூக வலைதளங்களிலும் எதிர்பார்ப்புகளும் விவாதங்களும் தீவிரமாக எழுந்துள்ளன.
சாலமன் பாப்பையாவுக்கு அரசு மரியாதை கிடைக்குமா?.. இணையத்தில் தீயாய் பரவும் விவாதம்..!
முன்னதாக, விஜய்க்கு எதிராகத் தொடரப்பட்ட விவாகரத்து வழக்கை சங்கீதா திரும்பப் பெற்றுள்ள நிலையில், தற்போது அரசு முறைப் பயணமாக லண்டன் சென்றுள்ள முதலமைச்சர் விஜய், அங்கு வசித்து வரும் சங்கீதா மற்றும் மகள் திவ்யா சாஷாவை நேரில் சந்திப்பாரா என்ற எதிர்பார்ப்பும் கேள்விகளும் அரசியல் மற்றும் சினிமா வட்டாரங்களில் எழுந்துள்ளன.
தமிழ்நாட்டில் மோட்டார் ஸ்போர்ட்ஸ் சிட்டி அமைப்பது மற்றும் பன்னாட்டு முதலீடுகளை ஈர்ப்பது போன்ற அரசுப் பணிகளுக்காக லண்டன் சென்றுள்ள போதிலும், குடும்பம் தொடர்பான இந்தத் திருப்பம் பொதுவெளியில் பெரும் பேசுபொருளாகியுள்ளது.
