கடந்த 2023-24 நிதியாண்டில் 7,083 டன்னாக இருந்த இந்திய ஏலக்காய் ஏற்றுமதி, மும்மடங்கு அதிகரித்து 2025-26 நிதியாண்டில் 16,399 டன்னாக உயர்ந்துள்ளது. இதன் மூலம் இந்தியாவின் ஏலக்காய் ஏற்றுமதி மதிப்பு சுமார் ரூ.4,149 கோடியைத் (USD 436.8 மில்லியன்) தொட்டு புதிய சாதனை படைத்துள்ளது.
இந்திய ஏலக்காயின் தரம், மணம் மற்றும் சிறப்பான அளவு காரணமாக சர்வதேச சந்தையில் இதற்கு மிகுந்த வரவேற்பு உள்ளது. குறிப்பாக, ஐக்கிய அரபு எமிரேட்ஸ் (135.22 மில்லியன் டாலர்) மற்றும் சவுதி அரேபியா (125.16 மில்லியன் டாலர்) ஆகிய நாடுகள் அதிகளவில் இறக்குமதி செய்துள்ளன. இவற்றுடன் பங்களாதேஷ், ஈராக், குவைத், மலேசியா போன்ற நாடுகளும் இந்தியாவில் இருந்து ஏலக்காயை இறக்குமதி செய்கின்றன.
சிறுமியின் கொலை வழக்கு.. தஷ்வந்த் விடுதலையை எதிர்த்து உச்ச நீதிமன்றத்தில் தமிழக அரசு மனு..!
சர்வதேச அளவில் ஏற்றுமதி அதிகரித்துள்ளதாலும், நடப்பு சீசனில் போதுமான மழை இல்லாததால் விளைச்சல் குறைய வாய்ப்புள்ளதாகவும் நறுமணப் பொருட்கள் வாரியம் தெரிவித்துள்ளது. இதன் காரணமாக, உள்நாட்டுச் சந்தையில் ஏலக்காயின் விலை கிலோ ஒன்றுக்கு சுமார் ரூ.3,000 வரை உயர வாய்ப்புள்ளதாக வியாபாரிகள் தெரிவிக்கின்றனர்.
