சட்டப்பேரவையில் திமுக உறுப்பினர்கள் குண்டுக்கட்டாக வெளியேற்றப்பட்ட விவகாரம் குறித்துப் பேசிய திமுக தலைவர் மு.க.ஸ்டாலின், “தற்போது தமிழக சட்டப்பேரவையின் மாண்பு கேள்விக்குள்ளாகும் வகையில் நிலைமை மாறிவிட்டது” என்று கடும் கண்டனம் தெரிவித்துள்ளார்.
சட்டப்பேரவை நிகழ்வுகளைத் தொடர்ந்து சென்னை அண்ணா அறிவாலயத்தில் செய்தியாளர்களைச் சந்தித்த அவர், அவையில் எதிர்க்கட்சிகளின் குரல் அடக்கப்படுவதாகவும், ஜனநாயக முறைப்படி விவாதிக்க அனுமதி மறுக்கப்படுவதாகவும் தெரிவித்தார். இதனிடையே, வரவிருக்கும் இரண்டு தொகுதிகளுக்கான இடைத்தேர்தல்களில் திமுக போட்டியிடுமா என்ற செய்தியாளர்களின் கேள்விக்கு அவர் பதிலளிக்காமல் காரில் புறப்பட்டுச் சென்றார்.
திமுக உறுப்பினர்களின் செயல் கடும் வருத்தம் அளிக்கிறது.. எதிர்க்கட்சிகளுக்கு சபாநாயகர் கண்டனம்..!
முன்னதாக, சட்டப்பேரவையில் எதிர்க்கட்சிகள் எழுப்பும் நியாயமான கேள்விகளுக்குப் பதிலளிக்காமல், அரசின் குறைகளைச் சுட்டிக்காட்டும் போது அவை உறுப்பினர்களைக் குண்டுக்கட்டாக வெளியேற்றுவது தமிழக வரலாற்றில் கவலை அளிக்கும் போக்கு என்று மு.க.ஸ்டாலின் விமர்சித்துள்ளார்.
சட்டப்பேரவையில் இருந்து வெளியேற்றப்பட்ட பின்னர், கட்சியின் மூத்த தலைவர்களுடன் அண்ணா அறிவாலயத்தில் அவசர ஆலோசனைக் கூட்டத்தை நடத்திய அவர், சட்டமன்றத்தில் ஆளுங்கட்சியின் நடவடிக்கைகள் குறித்துப் பொதுமக்களிடம் எடுத்துச் செல்வது குறித்தும் விவாதித்துள்ளார். ஊடகவியலாளர்கள் எழுப்பிய இடைத்தேர்தல் தொடர்பான கேள்விகளுக்கு அவர் நேரடியாகப் பதிலளிக்காமல் தவிர்த்தது, அரசியல் வட்டாரத்தில் பல்வேறு யூகங்களுக்கும் விவாதங்களுக்கும் வழிவகுத்துள்ளது.
