உலக சுகாதார நிறுவனத்தின் (WHO) வழிகாட்டுதலின்படி, ஒரு நாளில் உட்கொள்ளும் சர்க்கரையின் அளவு ஒரு குறிப்பிட்ட எல்லைக்குள் இருக்க வேண்டும்.
ஆண்களுக்கு: ஒரு நாளைக்கு அதிகபட்சமாக 37.5 கிராம் (சுமார் 9 தேக்கரண்டி).
பெண்களுக்கு: ஒரு நாளைக்கு அதிகபட்சமாக 25 கிராம் (சுமார் 6 தேக்கரண்டி).
தீமைகள்
பதப்படுத்தப்பட்ட உணவுகள் மற்றும் குளிர்பானங்களில் உள்ள மறைமுகச் சர்க்கரை (Hidden Sugar) உடல் பருமன் மற்றும் சர்க்கரை நோய்க்கு வழிவகுக்கும் என்பதால் எச்சரிக்கையுடன் இருக்க வேண்டும்.
மறைமுகச் சர்க்கரையின் ஆபத்து
நாம் தேநீரிலோ காப்பியிலோ நேரடியாகச் சேர்க்கும் சர்க்கரையை விட, பாக்கெட்டுகளில் அடைக்கப்பட்ட பழச்சாறுகள் (Packaged Juices), பிஸ்கட்டுகள், சாக்லேட்டுகள், சாஸ்கள் மற்றும் குளிர்பானங்களில் சேர்க்கப்படும் ‘பிரக்டோஸ் கார்ன் சிரப்’ (High-Fructose Corn Syrup) போன்ற மறைமுகச் சர்க்கரையே உடல் நலத்திற்கு மிகக் கேடானது.
தினசரி உணவில் சேர்க்க வேண்டிய சூப்பர் உணவுகள்..!
கல்லீரல் பாதிப்பு
அதிகப்படியான சர்க்கரை குறிப்பாக ஃபிரக்டோஸ் நேரடியாகக் கல்லீரலால் மட்டுமேprocessed செய்யப்படுகிறது. இது நாளடைவில் ‘ஆல்கஹால் அல்லாத கல்லீரல் கொழுப்பு நோய்’ (NAFLD) மற்றும் இன்சுலின் எதிர்ப்புத் தன்மையை (Insulin Resistance) ஏற்படுத்துகிறது.
சர்க்கரை நோய் மற்றும் பருமன்
ரத்தத்தில் சர்க்கரையின் அளவு திடீரென உயரும்போது, கணையம் (Pancreas) அதிகப்படியான இன்சுலினைச் சுரக்க வேண்டிய கட்டாயத்திற்குத் தள்ளப்படுகிறது. இது காலப்போக்கில் டைப்-2 சர்க்கரை நோய் மற்றும் உடல் பருமனுக்கு வழிவகுக்கிறது.
இதய ஆரோக்கியம்
அதிகப்படியான சர்க்கரை நுகர்வு ரத்தத்தில் ட்ரைகிளிசரைடுகள் (Triglycerides) மற்றும் ரத்த அழுத்தத்தை அதிகரித்து, மாரடைப்பு மற்றும் பக்கவாட்டுக்கான அபாயத்தை இரட்டிப்பாக்குகிறது.
மூளை மற்றும் மனநலம்
சர்க்கரை அதிகம் உள்ள உணவுகள் மூளையில் ‘டோபமைன்’ உற்பத்தியைத் தூண்டி போதைப்பொருளைப் போல அடிமையாக்கும் தன்ையைக் கொண்டவை. மேலும், இது உடலில் நாள்பட்ட வீக்கத்தை (Chronic Inflammation) ஏற்படுத்தி மனச்சோர்வு (Depression) மற்றும் ஞாபக மறதிக்கும் காரணமாகிறது.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
