‘கைலாசா’ நாட்டின் பிரதிநிதிகள் தமிழக அரசின் மூன்று அமைச்சர்களைச் சந்தித்ததாக நித்யானந்தா தனது எக்ஸ் (X) தளத்தில் வெளியிட்ட பதிவு, தமிழக அரசியலில் பெரும் பரபரப்பை ஏற்படுத்தியுள்ளது.
கைலாசா நாட்டின் பிரதிநிதிகள் சென்னை தலைமைச் செயலகத்திற்குச் சென்று த.வெ.க (தமிழக வெற்றிக் கழகம்) அமைச்சர்கள் லோகேஷ், ஸ்ரீநாத் மற்றும் வன்னி அரசு ஆகியோரைச் சந்தித்துப் பேசியதாக நித்யானந்தாவின் பதிவில் தெரிவிக்கப்பட்டுள்ளது. இந்தச் சந்திப்பின்போது, நித்யானந்தா எழுதிய ‘கைலாசாவின் வரலாறு’ (History of Kailasa) குறித்த புத்தகம் அமைச்சர்களுக்குப் பரிசாக வழங்கப்பட்டதாகக் கூறப்படுகிறது.
‘ஜனநாயகன்’?.. ஜூலை 23-க்காகக் காத்திருக்கும் ரசிகர்கள்..!
ராஜாங்க ரீதியிலான (Diplomatic) உறவுகளை மேம்படுத்தும் நோக்கில் இந்தச் சந்திப்பு நடந்ததாகத் தெரிவிக்கப்பட்டுள்ளது. இந்தியாவில் பல வழக்குகளில் தேடப்பட்டு வரும் நபர் தலைமறைவாக இருக்கும் நிலையில், அவரது நாட்டின் பிரதிநிதிகள் நேரடியாகத் தமிழக அமைச்சர்களைச் சந்தித்துள்ளது அரசியல் வட்டாரங்களில் கடும் விமர்சனங்களையும் விவாதங்களையும் உருவாக்கியுள்ளது.
இந்தச் சந்திப்பு குறித்த அதிகாரப்பூர்வமான அரசு அறிவிப்பு எதுவும் வெளியாகாத நிலையில், நித்யானந்தாவின் சமூக ஊடகப் பதிவு மட்டுமே தற்போது இது குறித்த தகவல்களைத் தந்துள்ளது.
