தூய சக்தி இமேஜ் உடையுதே.. விஜய் அரசு சந்திக்கும் அடுத்தடுத்த பஞ்சாயத்துகள்..!

தமிழகத்தில் முதலமைச்சர் விஜய் தலைமையிலான அரசு ஊழலுக்கு எதிரான கடுமையான நடவடிக்கைகளை எடுத்து வரும் சூழலில், சமீபத்தில் ஒரு சம்பவம் பெரும் விவாதத்தை ஏற்படுத்தியுள்ளது. தமிழக அரசு, லஞ்ச ஒழிப்புத் துறையை வலுப்படுத்தும் நோக்கில் அனைத்து அரசு அலுவலகங்களிலும் லஞ்சத்திற்கு எதிரான விழிப்புணர்வுப் பலகைகளை வைக்கவும், இதற்கென பிரத்யேக வாட்ஸ்அப் உதவி எண்ணை (94981 80936) அறிமுகப்படுத்தவும் உத்தரவிட்டிருந்தது.

இந்த அறிவிப்பு வெளியான சில மணிநேரங்களிலேயே, தமிழக வெற்றி கழகத்தின் (TVK) நிர்வாகி ஒருவர் அரசு ஒப்பந்ததாரரிடம் பணம் வாங்கும் வீடியோ சமூக வலைதளங்களில் வைரலானது. இந்த வீடியோவில் செங்கல்பட்டு கிழக்கு மாவட்ட தவெக இணைச் செயலாளர் மற்றும் மாம்பாக்கம் ஊராட்சி ஒன்றியத் தலைவரான என்.வி. வீரா என்பவர், ஒப்பந்ததாரரிடம் ரூ.30,000 பணம் வாங்குவது போன்ற காட்சிகள் இடம்பெற்றுள்ளன. இந்தக் காட்சி வைரலான சில மணிநேரங்களிலேயே, கட்சி ஒழுக்கத்தைக் குலைக்கும் வகையில் செயல்பட்டதாகக் கூறி, என்.வி. வீரா கட்சியில் இருந்து நீக்கப்பட்டுள்ளார்.

மகளிர் உரிமைத் தொகை ரூ. 2,500.. பட்ஜெட்டைத் தயார் செய்யும் முதலமைச்சர் விஜய்..!

ஊழல் இல்லாத நிர்வாகத்தை வழங்குவோம் என்று முதல்வர் விஜய் தொடர்ந்து வலியுறுத்தி வரும் நிலையில், இந்தச் சம்பவம் அரசியல் ரீதியாக விமர்சனங்களைச் சந்தித்துள்ளது. இருப்பினும், தவறு செய்பவர்கள் யாராக இருந்தாலும் பாரபட்சமின்றி நடவடிக்கை எடுக்கப்படும் என்ற அரசின் நிலைப்பாட்டை இது உறுதிப்படுத்துவதாகக் கருதப்படுகிறது.