இயக்குநர் மற்றும் நடிகர் கே.பாக்யராஜ் அவர்களின் மறைவு குறித்து, அவரது சீடரும் நடிகருமான ராதாகிருஷ்ணன் பார்த்திபன் தனது எக்ஸ் (Twitter) தளத்தில் மிகவும் உருக்கமான பதிவு ஒன்றை வெளியிட்டுள்ளார்.
பாக்யராஜ் அவர்களின் இறுதி ஊர்வலத்தின் போது, செய்தியாளர்கள் அவரிடம் பேட்டி எடுக்க முயன்றபோது அவர் அதைத் தவிர்த்தார். “இங்கு வேண்டாம், அமைதியாக ஒத்துழையுங்கள், தனிப்பட்ட முறையில் பேட்டி கொடுக்கிறேன்” என்று அவர் கூறியது குறித்துப் பலரும் விமர்சித்திருந்தனர். அதற்குப் பதிலளிக்கும் வகையில், அந்தச் சூழலில் தன் குருவின் இறுதி மரியாதையே முக்கியம் என்று தான் கருதியதாக அவர் விளக்கியுள்ளார்.
பார்த்திபன் தனது பதிவில், “கடந்த 20 வருடங்களாக என் குருவின் புகைப்படத்திற்குப் பதில் ஒரு இயக்குனர் நாற்காலியைத் தொட்டு வணங்கி வேலையைத் தொடங்குவேன். அதாவது உருவம் தவிர்த்தே அவரைத் தொழுதேன்; இப்போது அதுவே விதியாய் மாறிவிட்டது” என்று உருக்கமாகக் குறிப்பிட்டுள்ளார்.
லஞ்சம் கொடுக்காதீர்.. முதலமைச்சர் விஜய்க்கு இயக்குநர் சீனு ராமசாமி ஆதரவு..!
தனது வாழ்க்கையே பாக்யராஜ் கொடுத்தது என்று பலமுறை கூறியுள்ள பார்த்திபன், அவர் மறைந்த செய்தி கேட்டது முதல் மிகுந்த மனவேதனையில் இருந்து வருகிறார். இறுதிச்சடங்குகள் முடியும் வரை அவரது அருகிலேயே இருந்து அனைத்து உதவிகளையும் பார்த்திபன் செய்திருந்தார்.
பாக்யராஜ் அவர்கள் ஜூன் 27, 2026 அன்று மாரடைப்பால் காலமானார் என்பது குறிப்பிடத்தக்கது. திரையுலகமே இந்த இழப்பால் பெரும் அதிர்ச்சியிலும் சோகத்திலும் ஆழ்ந்துள்ளது.
