வெங்கி அட்லூரி இயக்கத்தில், சூர்யா நடிப்பில் உருவாகி வரும் திரைப்படம் ‘விஸ்வநாத் & சன்ஸ்’. இந்தப் படத்தில் சூர்யாவுக்கு ஜோடியாக மமிதா பைஜு நடித்துள்ளார். ஜி.வி. பிரகாஷ் இசையமைப்பில் உருவான இப்படத்தின் முதல் பாடல் (ஃபர்ஸ்ட் சிங்கிள்) ‘பட்டாம்பூச்சி’ சமீபத்தில் வெளியானது.
வெளியான அந்தப் பாடல் போஸ்டரில் தொழில்நுட்பக் கலைஞர்கள் மற்றும் பிற முக்கிய நபர்களின் பெயர்கள் இடம்பெற்றிருந்த நிலையில், படத்தின் கதாநாயகியான மமிதா பைஜுவின் பெயர் மட்டும் விடுபட்டிருந்தது.
வாங்க சாப்பிடலாம்.. மாதம்பட்டியின் நெருங்கிய நண்பருடன் ஜாய் கிரிசில்டா..!
இதுகுறித்து நடிகை சனம் ஷெட்டி தனது எக்ஸ் (X) பக்கத்தில் கடுமையான கண்டனத்தைப் பதிவு செய்துள்ளார். “மமிதாவின் பெயரை ஏன் போஸ்டரில் போடவில்லை? திறமையால் தன்னை நிரூபித்து இவ்வளவு பெரிய படத்தில் நடித்துள்ள அவருக்கு சமமான மரியாதை கொடுக்கப்பட வேண்டும். சினிமா துறை மாற வேண்டும், அந்த மாற்றம் இப்போதே தொடங்க வேண்டும்” என்று அவர் குறிப்பிட்டுள்ளார்.
ஏற்கனவே நடிகை ராதிகா, மமிதா பைஜுவின் சிறப்பான நடிப்பைப் பாராட்டிப் பேசியிருந்த நிலையில், இந்தச் சர்ச்சை இணையத்தில் சூர்யா ரசிகர்கள் மற்றும் சினிமா வட்டாரத்தினரிடையே பெரும் விவாதத்தை ஏற்படுத்தியுள்ளது.
