திருச்சி கிழக்குத் தொகுதி தேர்தல் போட்டி வதந்திகளுக்கு மத்தியில், வரும் ஜூன் 11-ல் தனது முக்கிய முடிவை அறிவிக்கப்போவதாக ராகவா லாரன்ஸ் தெரிவித்துள்ளார். ராகவா லாரன்ஸ் எக்ஸ் தளத்தில் வெளியிட்டுள்ள செய்தியில் கூறியதாவது,
அனைவருக்கும் வணக்கம், திருச்சி கிழக்குத் தொகுதியில் நான் தேர்தலில் போட்டியிடவிருப்பதாகப் பல்வேறு ஊடகங்களில் செய்திகள் பரவி வருகின்றன.
இதுகுறித்த தெளிவான தகவலை அறிய ஊடக நண்பர்கள் பலர் என்னைத் தொலைபேசியில் தொடர்புகொண்டு சந்திக்க விருப்பம் தெரிவித்து வருகின்றனர். இந்த ஊகங்கள் ஒரு கட்டத்தை எட்டியுள்ள நிலையில், இதுகுறித்து நான் விளக்கமளிக்க வேண்டும் என்று கருதி இந்தத் தகவலைப் பகிர்கிறேன்.
தற்போது நான் ‘பென்ஸ்’ (Benz) திரைப்படத்தின் படப்பிடிப்பில் மும்முரமாக ஈடுபட்டுள்ளேன்; இப்பணிகள் வரும் 10-ஆம் தேதியுடன் நிறைவடைகின்றன.
என் தாயாரின் ஆசியுடன், எனது வாழ்க்கை தொடர்பான ஒரு முக்கிய முடிவை வரும் 11-ஆம் தேதி, வியாழக்கிழமை காலை 9:30 மணிக்கு அறிவிக்கவுள்ளேன். #மாற்றம் #சேவையே_கடவுள்
இவ்வாறு அதில் தெரிவிக்கப்பட்டுள்ளது.
Hi everyone, News about me contesting in Trichy East election has been circulating across various media platforms.
— Raghava Lawrence (@offl_Lawrence) June 7, 2026
All my Media friends have been reaching out to me over phone and requesting to meet me asking for clarification. Since the speculation has grown to a point where I… pic.twitter.com/68ZyN6P0l9
