மாம்பழ சீசன் வந்தாச்சு அப்புறம் என்ன மார்க்கெட்டுக்கு போய் மாம்பழத்தை வாங்கி பல விதமான டிஸ்க்களை செய்து பார்க்கத்தான் பலரும் ஆர்வமாக இருப்பார்கள். அவர்களுக்கான பதிவு தான் இது. மாம்பழ சீசனில் வெறுமனே மாம்பழங்களை வாங்கி சாப்பிடுவதைவிட அந்த மாம்பழங்களை கொண்டு ஐஸ்கிரீம், மில்க் ஷேக், பூட்டிங், கேசரி, பாயாசம் என பலவிதமான ரெசிபிகளை நாம் செய்திருப்போம். அந்த வகையில், மாம்பழ லட்டுவை வீட்டில் எப்படி செய்வது என்பது குறித்து இந்த பதிவில் காண்போம்.
தேவையான பொருட்கள்
- ஒரு டீஸ்பூன் நெய்
- ஒரு கப் துருவிய தேங்காய்
- அரை கப் மாம்பழகூல்
- ஒரு சிட்டிகை குங்குமப்பூ
- ஒரு சிட்டிகை ஏலக்காய் தூள்
- மூன்றரை டேபிள் ஸ்பூன் பால் பவுடர்
- இரண்டு டேபிள் ஸ்பூன் கன்டென்ஸ் மில்க்
- விருப்பம் இருந்தால் பவுடர் சுகரை தேவையான அளவு
- சிறிது டெசிகேட்டட் தேங்காய்
செய்முறை
Step 1: முதலில் ஒரு பாத்திரத்தை அடுப்பில் வைத்து அதில், ஒரு டீஸ்பூன் நெய் ஊற்றி உருகியதும் ஒரு கப் துருவிய தேங்காயை சேர்த்து ஈரப்பதம் போகும் வரை நன்றாக வறுக்க வேண்டும். வறுக்கும் பொழுது அதன் சுவை அபாரமாக இருக்கும். அதன் பின்னர் அதில் அரை கப் மாம்பழக் கூழ் சேர்த்து அத்துடன் ஒரு சிட்டிகை குங்குமப்பூ மற்றும் ஏலக்காய் தூளை சேர்த்து நன்றாக கிளறி விட வேண்டும்.
ஜில்லுனு ஒரு ‘நுங்கு நன்னாரி சர்பத்’.. உடல் சூட்டை அடியோடு தணிக்கும் ட்ரிங்க்..!
Step 2: பிறகு அதில் 3 டேபிள்ஸ்பூன் பால் பவுடரை சேர்த்து கிளற வேண்டும். பின்பு அதில் கண்டென்ஸ் மில்க்கை சேர்த்து கிளறி அல்வா போன்ற பதத்துக்கு திரண்டு வந்ததும் நன்றாக அதனை அடுப்பில் இருந்து இறக்கி குளிர வைக்க வேண்டும்.
Step 3: பின்னர், கையில் நெய்யை தடவி அந்த மாம்பழக் கலவையை கொஞ்சம் கொஞ்சமாக எடுத்து லட்டு போன்று உருட்டிக் கொள்ள வேண்டும். இறுதியாக, அந்த லட்டுக்களை டெசிகேட்டட் தேங்காய் சேர்த்து நன்றாக பிரட்டி எடுத்தால் சுவையான மாம்பழ லட்டு ரெடி.
