மேற்கு ஆசியாவில் கடந்த 6 வாரங்களாக நீடித்து வரும் கடுமையான போர் பதற்றத்தைத் தணிக்கும் நோக்கில், உலகமே ஆவலுடன் எதிர்பார்க்கும் அமெரிக்கா – ஈரான் இடையிலான அமைதிப் பேச்சுவார்த்தை, பாகிஸ்தான் தலைநகர் இஸ்லாமாபாத்தில் உள்ள புகழ்பெற்ற ‘செரீனா’ ஹோட்டலில் (Hotel Serena) இன்று காலை தொடங்கியது.
உயர்மட்டத் தூதுக்குழு வருகை
அமெரிக்கத் தரப்பு: அமெரிக்கத் துணை அதிபர் ஜே.டி. வான்ஸ் (J.D. Vance) தலைமையிலான உயர்மட்டக் குழு இன்று அதிகாலை இஸ்லாமாபாத் வந்தடைந்தது. இவருடன் சிறப்புத் தூதர் ஸ்டீவ் விட்காஃப் மற்றும் ஜாரெட் குஷ்னர் ஆகியோரும் இணைந்துள்ளனர்.
ஈரான் தரப்பு: ஈரானிய நாடாளுமன்ற சபாநாயகர் முகமது பாகர் காலிபாப் தலைமையிலான தூதுக்குழு இந்தப் பேச்சுவார்த்தையில் பங்கேற்கிறது.
நகரம் முடக்கம் & பாதுகாப்பு ஏற்பாடுகள்
பேச்சுவார்த்தை நடைபெறும் செரீனா ஹோட்டலைச் சுற்றியுள்ள ‘ரெட் ஜோன்’ (Red Zone) பகுதிகள் முழுமையாக சீல் வைக்கப்பட்டுள்ளன. பாதுகாப்பு காரணங்களுக்காக இஸ்லாமாபாத்தில் இன்று உள்ளூர் விடுமுறை அறிவிக்கப்பட்டுள்ளது. பாகிஸ்தான் ராணுவம் மற்றும் கமாண்டோக்கள் ஹோட்டலைச் சுற்றி மூன்றடுக்கு பாதுகாப்பு வளையத்தை ஏற்படுத்தியுள்ளனர்.
6 ஆண்டுகளில் இல்லாத உச்சம்! வெனிசுலாவிடம் இருந்து 1.2 கோடி பீப்பாய் எண்ணெய் வாங்கும் இந்தியா!
டிரம்ப் எச்சரிக்கையும் வாழ்த்தும்
அதிபர் டொனால்ட் டிரம்ப் தனது சமூக வலைதளப் பக்கத்தில், “வான்ஸ்-க்கு எனது வாழ்த்துகள். ஈரான் நல்லெண்ணத்துடன் பேச்சுவார்த்தை நடத்தினால் அமைதி சாத்தியம். அவர்கள் ஆக்கப்பூர்வமாக முன்வந்தால் நாங்கள் கைகொடுக்கத் தயார். ஆனால் எங்களை ஏமாற்ற நினைத்தால், மிகக் கடுமையான ராணுவ நடவடிக்கையை எதிர்கொள்ள நேரிடும்” எனத் தெரிவித்துள்ளார்.
பேச்சுவார்த்தையின் 3 முக்கிய அஜெண்டாக்கள்
- ஹார்முஸ் ஜலசந்தி (Strait of Hormuz): உலக எரிசக்தி விநியோகத்திற்கு மிக முக்கியமான இந்தக் கடல் வழிப்பாதையை மீண்டும் முழுமையாகத் திறப்பது.
- கைதிகள் விடுதலை: ஈரானால் சிறைபிடிக்கப்பட்டுள்ள அமெரிக்கக் குடிமக்களை உடனடியாக விடுவிப்பது.
- போர்நிறுத்தம்: இஸ்ரேல் மற்றும் லெபனான் எல்லைகளில் தற்போது நீடிக்கும் தற்காலிகப் போர்நிறுத்தத்தை நிரந்தரமாக்குவது.
- மத்தியஸ்தம்:பாகிஸ்தான் இந்தப் பேச்சுவார்த்தையை முன்னின்று நடத்துகிறது. குறிப்பாக, சீன வெளியுறவு அமைச்சரும் இந்த அமைதி முயற்சியில் ஒரு ‘உறுதி அளிப்பவராக’ கலந்துகொள்வது சர்வதேச அளவில் ஒரு மிகப்பெரிய ராஜதந்திர நகர்வாகப் பார்க்கப்படுகிறது.
இந்தப் பேச்சுவார்த்தை வெற்றியடைந்தால், சர்வதேசச் சந்தையில் கச்சா எண்ணெய் விலை கணிசமாகக் குறையும், இது இந்தியா போன்ற நாடுகளுக்குப் பெரும் நிம்மதியைத் தரும்.
