அசுரன் திரைப்படத்தில் சிதம்பரம் என்ற ரோலில் நடித்து பிரபலமானவர் கருணாஸின் மகன் கென் கருணாஸ். இவர் சின்னத்திரை பிரபலம் மற்றும் பாடகி கிரேஸ் ஆகியோரின் மகன்.
தற்போது, இவர் யூத் என்ற திரைப்படத்தை இயக்கிய இளம் வயதிலேயே இயக்குனராக அறிமுகமாக இருக்கிறார். இன்று யூத் திரைப்பட விழா நடந்த நிலையில், அதில் நடிகர் தனுஷும் கலந்து கொண்டார்.
மேலும், இந்த விழாவிற்கு கருணாஸ், கிரேஸ், வெற்றிமாறன், ஜிவி பிரகாஷ் மற்றும் தனுஷ் உள்ளிட்ட பலரும் பங்கேற்றனர். முன்னதாக, ஒரு ரூபாய் கூட காசு வாங்காமல் ஜிவி பிரகாஷ் இந்த படத்திற்கு இசையமைத்து கொடுத்திருப்பதாக கருணாஸ் பாராட்டி பேசினார்.
மேலும், படத்திற்கு தனுஷுக்கு விருது கொடுத்தால் மத்திய அரசு தனக்கும் விருது கொடுக்க வேண்டும் என்றும் கூறியுள்ளார்.
கடைசியாக மேடையில் தான் பேசுவதற்கு முன்னதாக கிரேஸ் கருணாஸ் பேச அழைத்தார் தனுஷ். தனது மகனுக்காக வெற்றி மற்றும் தனுஷ் செய்த உதவிகளை என்றைக்குமே மறக்க மாட்டோம் என கிரேஸ் அந்த நிகழ்ச்சியில் கண்ணீர் மல்க பேசியது, ஒட்டுமொத்த அரங்கத்தையே நெகிழ செய்தது என்று தான் கூற வேண்டும்.
வெற்றி மற்றும் தனுஷ் வருவார்கள் அவனுக்கு இந்த அளவுக்கு சப்போர்ட் செய்வார்கள் என கனவில் கூட நாங்கள் நினைத்து பார்க்கவில்லை. இப்பதான் ரொம்ப பயமா இருக்கு, எப்படியாவது கென் தனது முதல் படத்தில் வெற்றி பெற்று விட வேண்டும் என கண்ணீர் விட்டு பேசியது பலரையும் அங்கே நெகிழ செய்தது.
அவரை தொடர்ந்து பேசிய தனுஷ், அசுரன் படத்தில் கென் தான் எனக்கு மகன் என வெற்றி சொன்னதுமே யாரு இவன் உருண்டையா இருக்கான் வேற ஆள பாருங்க வெற்றி என்றே சொல்லிவிட்டேன். ஆனால், வெற்றி தான் அவன் மீது நம்பிக்கை வைத்து படத்தின் சூட்டிங் முன்பாக தயார்படுத்திக் கொண்டு வந்தார்.
முதல் ஷாட்டை பார்த்த உடனே வெற்றியின் முடிவு சரியானது என்றும் செம கான்ஃபிடன்டாக பண்றானே என வியந்தேன். சிதம்பரம் நம்மகிட்ட காடு இருந்தா புடிங்குக்குவானுங்க, காசு இருந்தா புடிங்குக்குவானுங்க, படிப்பை மட்டும் என வசனம் பேசியிருந்தேன். ஆனால், படிப்பை மட்டும் விட்டுட்டு மத்ததெல்லாம் அடைஞ்சிட்டான் கென். முதல் படத்தின் ஃபர்ஸ்ட் லுக் போஸ்டரில் மூன்று பெண்களோட போஸ்டரை பார்த்து ஷாக்காகிட்டேன் என தனுஷ் கிண்டலாக பேசி இருந்தார்.
