செந்தில் பாலாஜி வகித்த துறை மற்றும் டாஸ்மாக் தொடர்பான ஆவணங்களின் அடிப்படையில், கட்சி நிதி (Party Fund) வசூலிப்பதில் முறைகேடுகள் நடந்ததாக அமலாக்கத்துறை அனுப்பிய குறிப்புகளைச் சுட்டிக்காட்டிய முதல்வர் விஜய், இதில் கட்சியின் முக்கியத் தலைவர்களின் பெயர்கள் அடிபட்டுள்ளதாகக் குறிப்பிட்டது அவையில் பெரும் பரபரப்பை ஏற்படுத்தியது.
அரசியல் ரீதியாகத் தனது பயணத்தைக் குறிப்பிடும் போது, 1967-ல் அண்ணா, 1977-ல் எம்ஜிஆர், 1983-ல் என்.டி.ஆர் வரிசையில் 2026-ல் இயற்கையும் இறைவனும் தனக்குத் துணை நிற்பார்கள் என்றும், மக்களின் நலனுக்காகவே தான் அரசியலில் இருப்பதாகவும் அவர் தெரிவித்தார்.
முதல்-அமைச்சரின் இந்த அதிரடியான மற்றும் கடுமையான விமர்ச்சனங்களைத் தொடர்ந்து, திமுக உறுப்பினர்கள் சட்டப்பேரவையிலிருந்து வெளிநடப்பு (Walkout) செய்தனர். இந்தச் சம்பவம் தமிழக அரசியல் வட்டட்டத்தில் பெரும் விவாதப் பொருளாகியுள்ளது.
முந்தைய திமுக ஆட்சியில், அரசு ஒப்பந்ததாரர்களிடம் இருந்து 7.5% முதல் 10% வரை “கட்சி நிதி” (Party Fund) என்ற பெயரில் லஞ்சம் வசூலிக்கப்பட்டதாக அமலாக்கத்துறை (ED) ஆவணங்களை மேற்கோள்காட்டி முதல்வர் விஜய் குற்றஞ்சாட்டினார். இது கடனுக்கான EMI போலத் தவணை முறையில் வசூலிக்கப்பட்டதாகவும் அவர் விமர்சித்தார்.
இந்த நிதியின் நேரடிப் பயனாளிகளாக முன்னாள் முதல்வர் மு.க.ஸ்டாலின் மற்றும் முன்னாள் துணை முதல்வர் உதயநிதி ஸ்டாலின் ஆகியோரை அமலாக்கத்துறை அறிக்கை சுட்டிக்காட்டுவதாக விஜய் பகிரங்கமாகக் கூறியது அவையில் பெரும் அதிர்வலையை ஏற்படுத்தியது.
காலில் இரும்பு கம்பியுடன் தவித்த காட்டு யானை.. வனத்துறையினர் அதிரடி மீட்பு..!
முன்னாள் அமைச்சர் செந்தில் பாலாஜி, அவரது சகோதரர் அசோக் குமார் மற்றும் ‘கரூர் கேங்’ ஆகியோர் டாஸ்மாக் (TASMAC) துறையில் திட்டமிட்ட ஊழல் (Scientific Corruption) செய்துள்ளதாக அவர் தெரிவித்தார். மேலும், முனிசிபல் நிர்வாகம் மற்றும் குடிநீர் வழங்கல் (MAWS) துறையிலும் பெருமளவில் முறைகேடு நடந்ததாகக் குறிப்பிட்டார்.
முதல்வரின் இந்தத் தொடர் குற்றச்சாட்டுகளால் கொதித்தெழுந்த திமுக எம்.எல்.ஏ-க்கள், சபாநாயகர் ஜே.சி.டி பிரபாகரன் இருக்கையை முற்றுகையிட்டுக் கோஷங்களை எழுப்பினர். “நாங்கள் மிசா (MISA) சட்டத்தையே பார்த்தவர்கள்” என திமுகவினர் முழக்கமிட்டபோது, “மிசாவின் பின்னணி வரலாறு எனக்கும் தெரியும்; நான் அண்ணா மற்றும் எம்.ஜி.ஆரின் வழியில் வந்தவன்” என விஜய் அதிரடியாகப் பதிலடி கொடுத்தார். தொடர்ந்து ஏற்பட்ட கடும் அமளியால் திமுகவினர் அவையிலிருந்து ஒட்டுமொத்தமாக வெளிநடப்புச் செய்தனர்.
