நடிகர் விஜய்யின் ‘ஜனநாயகன்’ திரைப்படம் வெளியானது முதல் பாக்ஸ் ஆபிஸில் மிகப்பெரிய சாதனைகளைப் படைத்து வருகிறது. உள்நாட்டிலும் வெளிநாடுகளிலும் படத்திற்குத் தொடர்ந்து அபார வரவேற்பு கிடைத்து வருகிறது.
ஜன நாயகன் படம் வெளியாகி 5 நாட்களில் உலகம் முழுவதும் சுமார் 233.24 கோடிகள் வசூலித்து சாதனை படைத்துள்ளது. வார இறுதி நாட்களில் (Weekend) குடும்பங்கள் மற்றும் ரசிகர்களின் வருகை அதிகரித்ததால் வசூல் கணிசமாக எகிறியுள்ளது.
வாரத்தின் முதல் நாளான திங்கட்கிழமை (ஜூலை 27) அன்று மட்டும் இந்தியாவில் இப்படம் 10.15 கோடிகள் வசூல் செய்துள்ளது. வார இறுதி நாட்களில் உச்சத்தில் இருந்த வசூல், திங்கட்கிழமையன்று சற்று சரிவைச் சந்தித்திருப்பது குறித்துத் திரைத்துறை வட்டாரங்களில் தற்போது விவாதப் பொருளாகியுள்ளது.
