அதிகரித்து வரும் உணவு மாற்றங்களால் பலருக்கும் தைராய்டு தொந்தரவு ஏற்படுகிறது. பொதுவாக, பெண்களிடையே இந்த பிரச்சனை அதிகரித்து வருகிறது. தைராய்டு என்பது கழுத்து பகுதியில் இருக்கும் சிறிய பட்டாம்பூச்சி வடிவ சுரப்பி ஆகும். இது உடலின் மெட்டபாலிசம் ஆற்றல் உற்பத்தி இதயத்துடிப்பு உடல் வெப்பநிலை மற்றும் பல ஹார்மோன்களின் செயல்பாடுகளை கட்டுப்படுத்துவதில் முக்கிய பங்கு வகிக்கிறது.
இந்த சுரப்பி சரியாக செயல்படாத போது உடலின் பல்வேறு உறுப்புகள் பாதிக்கப்படலாம். இந்த தைராய்டு, பிரச்சனையை உடலில் எப்படி எல்லாம் பாதிக்கும் என்பது குறித்து இந்த பதிவில் தெரிந்து கொள்வோம்.
ஹைப்போதைராய்டிசம் அறிகுறிகள்
ஹைப்போதைராய்டிச பிரச்சனையின் அறிகுறிகள், உடல் எடை அதிகரித்தல், உடல் சோர்வு, தோல் உலர்தல், முடி உதிர்தல், மலச்சிக்கல், மனச்சோர்வு, மாதவிடாய் சுழற்சியில் மாற்றம், குளிரை தாங்க முடியாமை ஆகியவை அடங்கும்.
ஹைப்பர் தைராய்டிசம் அறிகுறிகள்
ஹைப்பர் தைராய்டிச பிரச்சனையின் அறிகுறிகள், உடல் எடை குறைதல், பதட்டம், இதய துடிப்பு அதிகரித்தல், அதிக வியர்வை, கை நடுக்கம், தூக்கமின்மை அதிக வெப்பத்தை தாங்க முடியாமை போன்றவை இடம்பெறும்.
புகைப்பிடிக்காதவர்களையும் தாக்கும் வாய்ப்புற்றுநோய்.. இந்த மாற்றங்கள் சாதாரணமானவை அல்ல..!
உடலை பாதிக்கும் தைராய்டு பிரச்சனை
தோல், செரிமானம், கருத்தரிப்பு திறன் போன்றவை தைராய்டு மாற்றங்களால் பதிப்படைகிறது. மனநலம் மற்றும் இதய ஆரோக்கியத்தையும் தைராய்டு பாதிக்கக்கூடும். பெண்களில் சிகிச்சை பெறாமல் விடப்படும் விடப்படுபவர்களுக்கு தைராய்டு பிரச்சனைகள் மாதவிடாய் சுழற்சியை பாதிப்பதுடன் கர்ப்ப கால சிக்கல்களையும் ஏற்படுத்தும். மேலும், சிகிச்சை பெறாத தைராய்டு கோளாறுகள் அதிக கொலஸ்ட்ரால் இதய நோய் மற்றும் எலும்பு மொழிதல் போன்ற பிரச்சனைகளின் அபாயத்தை அதிகரிக்கிறது.
தைராய்டை எப்படி கட்டுப்படுத்துவது?
தைராய்டு உள்ளவர்கள் சில முன்னெச்சரிக்கை நடவடிக்கைகளை மேற்கொள்ளலாம். சமநிலையான உணவு முறை தைராய்டு சுரப்பியின் செயல்பாட்டை மேம்படுத்தும். குறிப்பாக ஹைபோ தைராய்டிசம் உள்ளவர்கள் அயோடின், செலினியம், சிங்க், இரும்புச்சத்து, நிறைந்த உணவுகளை உட்கொள்வது நல்லது.
மீன், முட்டை, பருப்புகள், பால் பொருட்கள் மற்றும் பச்சை காய்கறிகள் இதற்கு சிறந்த உதாரணங்களாகும். இதனுடன் தொடர்ந்து, உடற்பயிற்சி செய்வதன் மூலமும் போதிய தூக்கத்தை பெறுவதன் மூலம் மன அழுத்தம் கட்டுப்படுகிறது. மருத்துவரின் ஆலோசனை இல்லாமல் மருந்துகளை எடுத்துக் கொள்வதை அதிக அளவில் பதப்படுத்தப்பட்ட உணவுகளை உட்கொள்வதையும் தவிர்ப்பது சிறந்தது.
ஆரம்ப காலகட்டத்தில், தைராய்டு பிரச்சினைகளை கண்டறிந்தால் விரைவில் சரி செய்ய முடியும். காரணம் இன்றி உடல் எடை மாற்றம் தொடர்ந்து சோர்வு அல்லது முடி உதிர்தல் போன்ற அறிகுறிகள் தென்பட்டால் உடனடியாக மருத்துவரை அணுகி தைராய்டு ஹார்மோன் பரிசோதனை செய்து கொள்வது சிறந்ததாக கருதப்படுகிறது.
