சூரியனிலிருந்து வெளியாகும் புற ஊதா கதிர்கள் சருமத்தை மிகவும் மோசமாக சேதப்படுத்திவிடும். இதன் விளைவாக சருமத்தின் நிறம் கருமையாக மாறக்கூடும். இந்நிலையில், கோடை காலத்தில் உடலையும் சருமத்தையும் ஆரோக்கியமாக வைத்துக் கொள்வதற்காக பல அழகு குறிப்புகள் உள்ளன.
ஆயுர்வேத மருத்துவ முறைகள் மற்றும் உலகத்தரம் வாய்ந்த சருமப் பராமரிப்பு தயாரிப்புகளில் மிக முக்கியப் பொருளாக சிவப்பு சந்தனம் பயன்படுத்தப்படுகிறது. சாதாரண வெள்ளைச் சந்தனத்தைப் போல சிவப்பு சந்தனம் நறுமணம் கொண்டிருக்காது. இது லேசான மர வாசனையை மட்டுமே கொண்டிருக்கும். சந்தையில் போலிப் பொடிகள் அதிகம் என்பதால் நம்பகமான இடங்களில் வாங்குவது நல்லது.
சிவப்பு சந்தனத்தின் பயன்கள்
சிவப்பு சந்தனப் பொடி இயற்கையிலேயே கிருமிநாசினி பண்புகளைக் கொண்டு உள்ளது. இதனை முகத்தில் தடவி வர, விடாப்பிடியான முகப்பருக்கள், அதனால் ஏற்படும் வடுக்கள் மற்றும் கரும்புள்ளிகள் நிச்சயம் மறையும். வெயிலினால் கருகிய சருமத்தை மீட்டு, கதிர்வீச்சால் ஏற்படும் பிக்மண்டேஷன் மற்றும் மந்தமான தன்மையைப் போக்கி சரும நிறத்தை சீராக்கும்.
முகம் தக்காளி போல் சிவக்கணுமா?.. உடனே ட்ரை பண்ண வேண்டிய பியூட்டி டிப்ஸ்..!
இதில் உள்ள ஆன்டி-ஆக்ஸிடன்ட்டுகள்சருமச் சுருக்கங்களை நீக்கி, முகத்தை எப்போதும் இளமையுடனும் இறுக்கமாகவும் வைத்திருக்க உதவுகிறது. பாரம்பரிய ஆயுர்வேதத்தில் உடல் சூட்டைக் குறைக்கவும், தோல் அலர்ஜி மற்றும் அரிப்புகளைக் குணப்படுத்தவும் சிவப்பு சந்தனம் பயன்படுத்தப்படுகிறது.
சிவப்பு சந்தன ஃபேஸ் பேக்
முகப்பரு மற்றும் எண்ணெய் பசை சருமத்திற்கு சிவப்பு சந்தனப் பொடி + எலுமிச்சை சாறு கலந்து முகத்தில் தடவி 15 நிமிடம் கழித்து குளிர்ந்த நீரில் கழுவ நல்ல பலன் கிடைக்கும்.
வறண்ட சருமம் மற்றும் சுருக்கங்களுக்கு சிவப்பு சந்தனப் பொடி + காய்ச்சாத பால் அல்லது தேன்பேஸ்ட் செய்து முகம் மற்றும் கழுத்துப் பகுதியில் தடவி வர சருமம் மிருதுவாகும்.
நிறமாற்றம் மற்றும் சன்டேன் நீங்க சிவப்பு சந்தனப் பொடி + இளநீர் அல்லது ரோஸ் வாட்டர் வாரத்திற்கு இருமுறை தடவி வர முகம் இன்ஸ்டன்ட் பொலிவு பெறும்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
