செல்வம் நிலைக்க வேண்டுமா?.. பிரிட்ஜ் மேலே ‘இந்த’ பொருளை வைத்தால் லட்சுமி கடாட்சம் குறையும்..!

நாம் குடியிருக்கும் வீட்டில் உள்ள பொருட்கள் ஒவ்வொன்றிற்கும் வாஸ்து உள்ளது. அந்த பொருட்கள் வீட்டில் உள்ளோரின் வாழ்வில் தாக்கத்தை ஏற்படுத்துகிறது. அதுவும் ஒவ்வொரு பொருளுமே சரியான திசையில் சரியான இடத்தில் இருக்க வேண்டும். அப்படி இருந்தால், தான் அந்த வீட்டில் நேர்மறை ஆற்றல் ஓட்டம் சிறப்பாக இருக்கும். அப்படி அனைவரது வீட்டிலும் இருக்கும் ஒரு பொருள் தான் ஃப்ரிட்ஜ் .

இந்த ஃப்ரிட்ஜ் உள்ளே பொருட்களை வைப்பது பயன்படுத்துகிறோமோ இல்லையோ அதன் மேல் பரப்பில் ஒரு சில பொருட்களை வைத்து மேஜை போன்று பலர் பயன்படுத்தி வருகிறார்கள். ஆனால், வாஸ்துபடி ஃப்ரிட்ஜின் மேல் சில பொருட்களை வைப்பது அப சகுனம் ஆனதாக கருதப்படுகிறது.

ஆந்தை சிலையை வீட்டில் வைப்பது அதிர்ஷ்டமா?.. செல்வத்தை ஈர்க்க இதை செய்யுங்க..!

அப்படி வைத்தால் அந்த வீட்டில் எதிர்மறை ஆற்றல் ஓட்டம் அதிகரித்து பலவிதமான பிரச்சனைகள் வரத் தூண்டுகிறது. வாஸ்து சாஸ்திரப்படி ஃப்ரிட்ஜின் மேல் எந்த பொருளையும் வைக்க கூடாது.

ஆன்மீகப் பொருட்கள்

சிலர் எளிதில் வைத்து எடுப்பதற்காக பிரிட்ஜின் மேல் சாமி தொடர்பான புத்தகங்களை பூஜை பொருட்கள், கடவுள் படங்களை வைப்பார்கள். இந்த பொருட்களை வைப்பது அது கடவுளின் மீது மரியாதையை குறைப்பதாக கருதப்படுகிறது.

மின்னணு பொருட்கள்

சிலர் தங்கள் வீட்டில் சார்ஜர், பல்பு போன்ற மின்னணு பொருட்களை பிரிட்ஜின் மேல் வைத்து பயன்படுத்துவார்கள். ஆனால், வாஸ்துபடி மின்சாதனங்களை குளிர்சாதன பெட்டியின் மீது வைக்கக்கூடாது. அப்படி வைத்தால், மின்காந்த ஆற்றலை உருவாக்கி வீட்டில் ஆற்றல் சமநிலையை சீர்குலைத்து விடும். இதன் விளைவாக வீட்டில் எப்போதும் சண்டைகளும் வாக்குவாதங்களுமே நீடித்திருக்கிறது.

கனமான பொருட்கள்

பிரிட்ஜின் மேல் பாத்திரங்கள் பெட்டிகள் போன்ற கனமான பொருட்களை வைத்திருந்தால், அதை உடனடியாக அகற்றுங்கள். இவ்வாறு அதன் மீது பொருட்களை வைத்திருப்பது ஆற்றல் சமநிலையை சீர்குலைத்து அதன் விளைவாக மன அழுத்தத்தை அதிகரிக்கிறது. எனவே, எப்போதும் அதிக எடையுள்ள கனமான பொருட்களை வைப்பதை தவிர்க்க வேண்டும்.

மருந்து பொருட்கள்

எக்காரணம் கொண்டும் ஃப்ரிட்ஜின் மேல் மருந்து பொருட்களை வைக்கக்கூடாது. அது ஆரோக்கிய பிரச்சனைகளை தீர்ப்பதற்கு பதிலாக இன்னும் அதிகரிக்க தான் செய்யுமாம்.

செடிகள் மற்றும் மீன் தொட்டி

சிலர் வீட்டின் ஃப்ரிட்ஜ் மேல் அழகுக்காக செடிகள் அல்லது சிறிய மீன் தொட்டிகளை வைப்பார்கள். ஆனால், இப்படி வைப்பது வாஸ்து சாஸ்திரத்தின் படி ஆற்றல் சமநிலையை சீர் குறிக்கும். ஆகவே, இதுவரை உங்கள் வீட்டில் இவற்றை வைத்திருந்தால் உடனே அப்புறப்படுத்துங்கள்.

குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு  UTN NOW பொறுப்பாகாது.