சம்மர் வந்தாலே சுட்டெரிப்பது போன்ற வெயிலால் உடல் சூடு அதிகரிக்கிறது. இந்த வெயிலில் சிறிது நேரம் சென்றாலே உடல் சூடு பிடித்து நிறைய பேர் அவதிப்படுகிறார்கள். மேலும், கோடைகாலம் வந்துவிட்டாலே நீரிழிப்பு உடல் சூடு மற்றும் வெப்பம் சார்ந்த நோய்கள் அதிகம் சந்திக்க நேரிடுகிறது. இப்ப பிரச்சனைகளை தவிர்க்க வேண்டுமானால் உடலை எப்பொழுதும் குளிர்ச்சியாக மற்றும் உடல் சூட்டை குறைத்து உடலை நீரூற்றுடன் வைத்துக்கொள்ளும் உணவுகளையும், பானங்களையும் அதிகம் உட்கொள்வது நல்லது.
அக்னி நட்சத்திரத்தை சமாளிக்கணுமா?.. உடலை நீரேற்றத்துடன் வைக்கும் சிறந்த காய்கறிகள்..!
அப்படி, உடல் சூட்டை குறைக்க தண்ணீரை தவிர இரு விதமான ஜூஸ்களை மக்கள் குடிக்கிறார்கள். அதில், ஒன்று இளநீர் மற்றொன்று நெல்லிக்காய் ஜூஸ். நெல்லிக்காய் ஜூஸ் உடல் சூட்டை குறைக்குமா? என்று சில பேர் கேட்கலாம். ஆம், ஆயுர்வேதத்தின் படி நெல்லிக்காய் நோய் எதிர்ப்பு சக்தி அதிகரிக்க உதவுவதோடு, உடல் சூட்டை குறைத்து உடலை சீராக வைத்துக் கொள்ள உதவுகிறது.
இளநீர் மற்றும் நெல்லிக்காய் ஜூஸ் ஆகிய இரண்டில் எது உடலுக்கு அதிக குளிர்ச்சியை தரும் என்ற சந்தேகம் நம்மில் பலருடைய உள்ளது. இவ்விரண்டில் எது அதிக குளிர்ச்சியானது என்பதை இந்த பதிவின் மூலம் பார்க்கலாம்.
இளநீரில் உள்ள சத்துக்கள்
இளநீரில் 95% நீர் இருப்பதோடு, பொட்டாசியம், கால்சியம், பாஸ்பரஸ், கார்போஹைட்ரேட், இரும்புச்சத்து, வைட்டமின் சி, வைட்டமின் பி காம்ப்ளக்ஸ், தாது உப்புக்கள், சில அமினோ அமிலங்கள் இருக்கின்றன. அதுவும், இதில் உள்ள பொட்டாசியம் போன்றவை உடலுக்கு நீரூற்றத்தை அளிக்கிறது. வெயில் நீண்ட நேரம் அலைந்த பின் ஒரு இளநீரை குடித்தால், உடல் வெப்பம் குறைவதை நன்கு உணரலாம். அதனால், தான் கோடையில் உடல் சூட்டினால் அவதிப்படுபவர்களும் உடல் வறட்சியால் சிரமப்படுபவர்களும் இளநீரை தேர்வு செய்கிறார்கள்.
நெல்லிக்காய் ஜூஸின் நன்மைகள்
மருத்துவ குணங்கள் நிறைந்து இருக்கின்ற நெல்லிக்காய் வைட்டமின் சி ஏராள அளவில் நிறைந்துள்ளன. இது உடலின் நோய் எதிர்ப்பு சக்தியை மேம்படுத்த உதவுகிறது. அதுவும், கோடை காலத்தில் நெல்லிக்காய் ஜூஸ் அருந்துவது நீண்ட கால அடிப்படையில் உடல் வெப்பத்தை சமநிலைப்படுத்த உதவி புரிகிறது.
இளநீர் Vs நெல்லிக்காய் எது சிறந்தது
உடலை குளிர்விக்கும் விளைவுகளை ஒப்பிட்டு பார்க்கும்பொழுது நெல்லிக்காய் ஜூஸ் உடலை குளிர்விக்க நீண்ட நேரம் எடுத்துக் கொள்கிறது. அதே சமயம், இளநீர் சட்டு என்று உடலை குளிர்கிறது. ஏனெனில், உள்ள எலக்ட்ரோலைட்டுகளானது நீண்ட நேரத்திற்கு உடலை நீரோட்டத்துடன் வைத்துக் கொள்ள உதவி புரிகிறது.
இளநீர் Vs நெல்லிக்காய் எதை தேர்வு செய்யலாம்
நிச்சயம் இரண்டையும் தினசரி உணவில் சேர்த்துக் கொள்ளலாம். அதுவும் இளநீரை வெயில் காலங்களில் குடிப்பது சிறந்தது. இதனால், உடல் நீரூற்றுடன் இருக்கும். நெல்லிக்காய் ஜூஸை காலையில் எழுந்ததும் குடிப்பது நல்லது. இதன் மூலம் ஒட்டுமொத்த உடல் ஆரோக்கியமும் மேம்படும். ஆனால், எப்போது எவ்வளவு ஆரோக்கியமானதாக இருந்தாலும், அளவாக உட்கொள்ள வேண்டும். குறிப்பாக, ஏற்கனவே ஒரு சில ஆரோக்கிய பிரச்சனைகளை கொண்டிருந்தால் தினசரி எடுக்கும் மருத்துவரின் ஆலோசனைகளை பெறுவது சிறந்தது.
பயன்படுத்தும் முறை
இளநீர்
- மதிய நேர வெயிலில் குடிப்பது சிறந்தது.
நெல்லிக்காய் ஜூஸ்
- காலையில் வெறும் வயிற்றில் குடிப்பது ஒட்டுமொத்த ஆரோக்கியத்திற்கு நல்லது.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTN NOW பொறுப்பாகாது.
