தேர்தலுக்கு முன்பாகவே விஜயின் ஜனநாயகன் திரைப்படம் வெளியாகும் என்று எதிர்பார்க்கப்பட்ட நிலையில், யாரும் எதிர்பார்க்காத வகையில் தம்பி ராமையாவின் மகன் உமாபதி ராமையா தற்போது நட்டி நடராஜை வைத்து அரசியல் படத்தை எடுத்துள்ளார்.
கரூர் கூட்டத்தில் ஜனநாயகன் ஷூட்டிங்? திருச்சியில் விஜய் Open Talk..!
இந்த திரைப்படம் தேர்தலை முன்னிட்டு ஏப்ரல் பத்தாம் தேதி ‘TN 2026’ தமிழ்நாட்டு அரசியலை பிரதிபலிக்கும் விதமாக உருவாகியுள்ளது. தற்போது அதன் டீசர் வெளியான நிலையில், எம்ஜிஆர் பிறகு ஒரு நடிகர் தமிழ்நாட்டின் முதலமைச்சர் ஆகப்போகிறேன் என உச்சத்தில் இருக்கும்போதே அத்தனையும் உதறிவிட்டு அரசியலுக்கு வந்தால் அவருக்கு என்னென்ன பிரச்சனைகள் உருவாகும் அவர் அதை எப்படியெல்லாம் சமாளிக்க போகிறார் என்ற கதை களத்துடன் உருவாக்கியுள்ளனர்.
சாவிலும் விமர்சனமா?.. நான் நாத்திகன் தான், ஆனால் என் அம்மா.. விமர்சகர்களின் வாயடைத்த பிரகாஷ் ராஜ்..!
டீசரை பார்த்த ரசிகர்கள் அப்படியே விஜய் போலவே இருக்கு என கமெண்ட்களில் தெரிவித்து வருகிறார்கள். ஆரம்பத்தில், காட்டப்படும் அந்த கட் அவுட் அப்படியே விஜய் நடிக்க நட்டி நடராஜ் ஒளிப்பதிவு செய்த புலி படத்தின் கட் அவுட் போலவே உள்ளதாகவும் விஜயின் நரைத்த தாடி, அரசியல் என்ட்ரி அப்படியே நட்டி நட்ராஜ் இந்த படத்தில் நடித்துள்ளார் என்று கூறி வருகின்றனர்.
அமைதிப்படை போல இந்த படம் நட்டி நடராஜன் அரசியலில் நையாண்டி படமாக வருமா என ரசிகர்கள் எதிர்பார்த்து உள்ளனர். கடந்த தீபாவளிக்கு நித்தியானந்தாவை ட்ரோல் செய்து ‘கம்பி கட்டின கதை’ என்ற திரைப்படத்தில் நட்டி நடராஜ் நடித்திருந்தார். அந்த படம் பெரிதாக ஒர்க் அவுட் ஆகவில்லை.
அதே நிலைமை இந்த படத்திற்கு வருமா? அல்லது விஜய் ரசிகர்கள் படத்தில் என்ன தான் இருக்கு என பார்த்து ஹிட் அடிக்க வைப்பார்களா? என்பதை வெயிட் பண்ணி தான் தெரிந்து கொள்ள வேண்டிய உள்ளது. இந்த திரைப்படத்தில் தலைவாசல் விஜய், எம் எஸ் பாஸ்கர், தம்பி ராமையா உள்ளிட்ட பலர் நடித்துள்ளனர். இந்த திரைப்படம் ஏப்ரல் பத்தாம் தேதி திறக்க வரவுள்ளது குறிப்பிடத்தக்கது.
