சின்னத்திரையில் சன் டிவி மற்றும் விஜய் டிவி, ஜீ தமிழ் உள்ளிட்ட தொலைக்காட்சிகள் போட்டி போட்டுக் கொண்டு சீரியல்களை ஒளிபரப்பி வருகிறார்கள். பொதுவாக வெள்ளித்திரையை விட சின்னத்திரையில் இருக்கக்கூடிய நடிகர்கள் அதிகமாக மக்களிடம் ரிச் ஆகி விடுவார்கள். வெள்ளித்திரையைத் தாண்டி நடிப்பில் ஆர்வம் உள்ள அனைவரும் சின்னத்திரையில் தான் தற்போது அதிக கவனம் செலுத்தி வருகிறார்கள்.
இந்நிலையில், விஜய் டிவி பிரபலத்தின் விவாகரத்து செய்தி தற்போது இணையதளத்தில் வெளியாகி பலரிடையே அதிர்ச்சியை ஏற்படுத்தி இருக்கிறது. ஏற்கனவே, தமிழ் சினிமாவில் அதிக விவாகரத்து பிரச்சனை சென்று கொண்டிருக்கிறது. இந்த நேரத்தில், ஒரு விவாகரத்து பிரச்சனை சின்னத்திரையில் தொடங்கி இருக்கிறது.
விஜய் டிவியில் ஒளிபரப்பாகும் சின்ன மருமகள் சீரியலில் கதாநாயகியாக நடித்து வருபவர் தான் ஸ்வேதா இவர் கடந்த சில மாதங்களுக்கு முன்பு பிரபல youtube சேனலுக்கு இவரது காதலர் எனக் கூறி ஆதி என்பவர் பேட்டி கொடுத்திருந்தார். ஆனால், அவருக்கும் எனக்கும் எந்த சம்பந்தமும் இல்லை என ஸ்வேதா தனது இன்ஸ்டாவில் அதிரடியாக பதிவு ஒன்றைப் போட்டிருந்தார்.
இந்த நிலையில், தற்போது ஆதி நடிகை ஸ்வேதா தனக்கு விவாகரத்து நோட்டீஸ் அனுப்பி இருப்பதாகவும், நான் யார் என்று தெரியாது என சொன்னவர் தற்போது எதற்காக விவாகரத்து நோட்டீஸ் அனுப்ப வேண்டும் என்று கேள்வி எழுப்பி உள்ளார். ஆதியின் அந்த பதிவு தற்போது இணையதளத்தில் வெளியாகி வைரலாகி வருகிறது.
