சமீபத்தில் நடந்து முடிந்த தயாரிப்பாளர் சங்க தேர்தலில் ஜிகேஎம் தமிழ் குமரன் அதிக வாக்குகளை பெற்று வெற்றி பெற்றார். இதை அடுத்து, தயாரிப்பாளர் சங்கத்தின் கலந்தாய்வுக் கூட்டம் நடைபெற்றது. இதில் நடிகர், நடிகைகள் இயக்குனர் முன்னணி தொழில்நுட்ப கலைஞர்கள் என யாராக இருந்தாலும் யார் முதலில் தயாரிப்பாளரிடம் அட்வான்ஸ் வாங்குகிறார்களே, அவருக்கு முன்னுரிமை கொடுத்து படத்தை முடித்து தர வேண்டும்.
படங்களில் நடிக்கும் முன்னணி நடிகர், இயக்குனர், தொழில்நுட்ப கலைஞர்கள் வெப் சீரிஸ் நடிக்க கூடாது இயக்கக் கூடாது அவ்வாறு செல்லும் நடிகர், நடிகை, முன்னணி தொழில்நுட்ப கலைஞர்கள் திரைப்படங்களின் பணிபுரிய கூட்டுக்குழு எடுக்கும் முடிவுக்கு கட்டுப்பட வேண்டும் என தீர்மானம் நிறைவேற்றப்பட்டது.
சினிமாவா வெப்சீரிஸா என இரண்டில் ஒன்றை தேர்வு செய்ய வேண்டும் என நடிகர்களுக்கு இப்படி கட்டுப்பாடு விதித்திருப்பது சினிமா துறையில் தற்போது பரபரப்பை ஏற்படுத்தி உள்ளது.
