80,90களில் தமிழே தெரியாமல் நடிக்க வந்து ஒட்டு மொத்த தமிழ் சினிமா ரசிகர்களையும் கவர்ந்தவர் குஷ்பூ. இவருக்கு கோவில் கட்டிய கதை எல்லாம் உண்டு. பார்க்க பப்ளியாக இருக்கும் குஷ்புவை கொண்டாடும் வகையில், அவரது காலகட்டத்தில் குஷ்பு இட்லி, குஷ்பூ கொண்டை, குஷ்பூ ஜாக்கெட், குஷ்புவிற்கு கோவில் குஷ்பு கம்மல் என நிறைய விஷயங்கள் வைரலானது.
அவரைப் போலவே நடிகை ஹன்சிகாவின் தோற்றம் காணப்பட்டதால், அவர் சின்ன குஷ்பு என அழைக்கப்பட்டார். ஆனால், திடீரென தனது உடல் எடையை குறைத்து குஷ்பு ஆளே மாறிவிட்டார். கடந்த நாலு வருடங்களாக அதிகப்படியான தன் உடல் எடையை அசாத்தியமாக குறைத்து இருக்கிறார்.
சுந்தர் சி மற்றும் குஷ்பூ தங்களது 26 வது திருமண நாளை மிகவும் மகிழ்ச்சியாக கொண்டாடியுள்ளனர். இது தொடர்பான புகைப்படங்கள் மற்றும் வீடியோக்களை குஷ்பு தொடர்ந்து தனது சமூக வலைதள பக்கத்தில் பகிர்ந்து வருகிறார். இதை பார்த்த பலரும் அவர்களது திருமண நாளுக்கு வாழ்த்துக்களை தெரிவித்து வருகிறார்கள். மேலும், பலர் இவர்களைப் போல திருமண வாழ்க்கையை அனைவரும் ஏற்படுத்திக் கொள்ள வேண்டும் என்றும், குடும்பத்தை இதுபோல கொண்டாட வேண்டும் என்றும் பகிர்ந்து வருகின்றனர்.
