தேர்தல் நெருங்கி வரும் வேளையில் பல சினிமா பிரபலங்களும் அரசியல் சார்ந்த கருத்துக்களை பேசி வருகின்றனர். அந்த வகையில், திமுகவுக்கு ஆதரவாக நடிகர்கள் விஜய்க்கு எதிராக பேசி வரும் நிலையில், தவெகவுக்கு ஆதரவாக நடிகர்களும் விஜயின் ரசிகர்களும் அவருக்கு தொடர்ச்சியாக குரல் கொடுத்து வருகின்றனர்.
முன்னதாக, சங்கீதா மற்றும் விஜய்க்கு இடையேயான உறவு விரிசல் தொடர்பான சர்ச்சைகள் சமூக வலைதளங்களில் பெரிதாக வெடித்து வரும் நிலையில், விஜய்க்கு பகிரங்கமாக தனது ஆதரவை கல்லூரி விழா ஒன்றில் பிக் பாஸ் டைட்டில் வின்னர் ராஜூ ஜெயமோகன் பேச ஒட்டுமொத்த அரங்கமும் அதிர்ந்தது.
அதாவது, சர்க்கார் படத்தில் வரும் ஒரு விரல் புரட்சி பாடலை போல ராஜூ ஜெயமோகன் மேடையில் பேசியது தளபதி ரசிகர்களையும் தவெக தொண்டர்களையும் குஷிப்படுத்தியுள்ளது என்றே சொல்ல வேண்டும். இனிமேல் ரெண்டு விரல் வைத்து இப்படி விசில் அடிக்க வேண்டாம். ஒரே விரல் வைத்து விசில் அடிக்கலாம் என ஓட்டு போடும் விரலை காட்டி பேசியது அரங்கத்தில் விசில் சத்தமாக பறந்தது.
