பொதுவாக சினிமா பிரபலங்களை விட சின்னத்திரை கலைஞர்களின் முகங்கள் உடனே ஞாபகம் வந்துவிடும். அந்த அளவுக்கு மக்களிடம் சீக்கிரமே ரீச் ஆகி விடுவார்கள். அது போல் தான் விஜய் தொலைக்காட்சியில் சிரிச்சா போச்சு, அது இது எது, கலக்கப்போவது யாரு போன்ற காமெடி நிகழ்ச்சிகளில் கலந்து கொண்டவர் நாஞ்சில் விஜயன்.
பெரும்பாலும், இவர் லேடி கெட்டப்பில் வந்து அனைவரையும் சிரிக்க வைப்பார். முன்னதாக, நாஞ்சில் விஜயன் எந்த கேரக்டர் கொடுத்தாலும் அதில், நன்றாக பொருந்தி நடிப்பது இவருக்கு கை தேர்ந்த கலை. இவர் விஜய் டிவி மட்டுமல்லாமல் ஜெயா டிவி மற்றும் தனியார் நிகழ்ச்சிகள் என பல்வேறு நிகழ்ச்சிகளில் கலந்து கொள்வார்.
எந்த அளவுக்கு பிரபலமானாரோ அந்த அளவுக்கு இவர் மீது சர்ச்சைகளும் குவிந்து கிடந்தன. நகைச்சுவைகளில் கலக்கி வந்த நாஞ்சில் விஜயன் மரியா என்பவரை திருமணம் செய்து கொண்டு இவருக்கு ஒரு மகள் உள்ளார்.
இந்த நிலையில், நாஞ்சில் விஜயன் பல போராட்ட கஷ்டங்களை கடந்த பிறகு ஒரு புதிய வீட்டுமனையை வாங்கி உள்ளாராம். அப்போது, எடுக்கப்பட்ட வீடியோவை ஷேர் செய்த நாஞ்சில் விஜயனுக்கு அனைவரும் வாழ்த்து தெரிவித்து வருகின்றனர்.
