சேலம் மாவட்டம் சீலநாயக்கன்பட்டியில் தமிழக வெற்றிக் கழகம் சார்பில் நிர்வாகிகள் சந்திப்பு நிகழ்ச்சி நடந்தது. இதில் விஜய் பங்கேற்று, வழக்கம் போல திமுக, பாஜக கட்சிகளை கடுமையாக விமர்சித்து பேசினார்.
இதனிடையே இந்த நிகழ்ச்சிக்காக சேலம் சீல்நாயக்கன்பட்டி சிவசக்தி நகரை சேர்ந்த சிராஜ் (வயது 37) என்பவர் மயக்கமடைந்த கீழே விழுந்தார். உடனே ஆம்புலன்ஸ் மூலம் அவரை தனியார் மருத்துவமனையில் நிர்வாகிகள் அனுமதித்தனர்.
ஆனால் அங்கு சிராஜ் சிகிச்சை பலனில்லாமல் உயிரிழந்தார். உடனே சடலத்தை அன்னதானப்பட்டி காவல் நிலைய போலீசார் மீட்டு விசாரணை செய்து வருகின்றனர்.
இதனிடையே மதியம் 1.30 மணியளவில் உரையை முடித்துக் கொண்டு காரில் சேலம் விமான நிலையம் நோக்கி புறப்பட்டார் விஜய். அப்போது அவரை காரை முண்டியடித்து தொண்டர்கள் நெருங்கியதால், கார் மெதுவாக சென்றது.
அப்போது காரில் முன்பக்க இருக்கையில் இருந்த விஜய்யிடம், கைக்கொடுக்க ரசிகர்கள், தொண்டர்கள் ஓடி வந்த போது விஜய் தாக்கியதாக கூறப்படுகிறது. இது தொடர்பான வீடியோ வைரலாகி வரும் நிலையில், கார் மெதுவாக நகர்ந்து வேகமாக கிளம்பும் போது, அவர் கையை தடுத்தது தாக்கியது போல இருக்கலாம்.
Actor #Vijay attacks his fan, who wanted to shake hands pic.twitter.com/sSfs9StsMq
— Studio Flicks (@StudioFlicks) February 13, 2026
விஜய் மீது விமர்சனம் சொல்ல வேண்டுமென்றே பொய் செய்தியை பரப்ப வேண்டாம் என ஒரு தரப்பினரும், இந்த மாதிரி ஒருவர் முதலமைச்சர் ஆக வேண்டுமா என மற்றொரு தரப்பினரும் மாறி மாறி விமர்சனம் செய்து வருகின்றனர்.
